by Jon Bråtveit | mar 22, 2020 | Ymse |
Ballbinge stengt! Sjå melding frå einingsleiar ved Vinjar skule under.
Suldal IL – fotballgruppa vil også informera om at det ikkje skal samlast personar frå fleire familiar/husstandar på banen i Prestavikjo. Barn, ungdom eller vaksne kan altså ikkje møtast for å spela fotball.
Vennleg helsing Jon
Til alle elevar og føresette!
Eg har i kveld fått melding frå kriseleiinga om at me med bakgrunn i smittevern og koronasituasjonen skal stenga ballbinga frå i morgon av. Det vert hengt opp skilt i morgon.
Me oppmodar samstundes om å følgja FHI sine tilrådingar om minst mogleg samlinger av folk. Sjå deira nettside for meir informasjon.
Mvh Kristine/einingsleiar
by Jon Bråtveit | mar 12, 2020 | Ymse |
NFF (Norges fotballforbund) og Norges skiforbund har gått ut og avlyst all form for breiddefotball og breiddeski ut april.
Det betyr at det ikkje blir organisert trening eller kamp for nokre av fotball-laga til Suldal IL, verken aldersbestemt, senior herrer/damer eller Suldalsgutane- og jentene. Dette gjeld frå i dag 12. mars og ut april månad inntil noko anna blir opplyst om.
https://www.fotball.no/tema/nff-nyheter/2020/breddeaktiviteter-stoppes-ut-april/?fbclid=IwAR3cvSc716cyq7z6_vD2xYL8dgFE_WhF4vmWGRQvVzBMfZTXr8AC8IM4Vko
Som alle veit, er dette av preventive hensyn og ein del i den nasjonale dugnaden for å avgrensa spreiinga av koronaviruset. Det er inga grunn til å hausa opp dette for ungane, men bli med dei ut i hagen, på leikeplassen og gardstunet og spark fotball med dei! Bruk det naturlege treningsrommet. Bruk den flotte heia vår til vårskiturar. Så håpar me at me samlast igjen på fotballbanen i mai med kriblande bein!
by Jon Bråtveit | mar 6, 2020 | Ymse |
Det blir årsmøte i Suldal IL torsdag 26. mars.
møtet blir på personalrommet på Vinjar skule kl 19.00. Vél møtt!
by Jon Bråtveit | jan 21, 2020 | Ymse |
Me tek bestillingar på treningsdressar og diverse andre plagg fram til og med 31. januar.
Dette gjeld klede som passar best til fotball, men som sjølvsagt også kan brukast av trimmarar. Den gule treningsdressen er på plass, samt nokre jakkar. Alt vil få hovudsponsorane sine logoar på, samt trykk bak med Suldal IL. Det er ikkje alle plagga som er tilgjengeleg for alle, sjå på oversikten.
Bestillingar kan de senda til fotball@suldal-il.no eller på messenger/melding til Jon. Hugs frist 31. januar.
I oversikten under er det lenkja til seniorstorleikar. Det er sjølvsagt juniorstorleikar også. Sjå på denne lenkja for eksempel: https://lockerroom.adidas.no/products/regista-18-jacket/CZ8630
Sjå oversikt her: Kleskolleksjon 2020
by Jon Bråtveit | jan 21, 2020 | Ymse |
Suldal IL og Statkraft Energi AS har inngått ein ny samarbeidsavtale for åra 2020-2022, med opsjon på ytterlegare to års forlenging.
Statkraft har i ei årrekkje vore ein viktig bidragsytar for idrettslaget, og med denne avtalen vil det gode samarbeidet fortsetje i mange år til. Statkraft, saman med dei andre hovudsponsorane, sikrar eit solid og langsiktig grunnlag for all aktivitet i idrettslaget. Suldal IL ser fram mot godt samarbeid i åra som kjem!
