by Per Even Tjøstheim | okt 29, 2020 | Ski, Ymse |
OBS! Frist 1. november
I år lanserer me nettbutikk frå Trimtex for bestilling av skiklede. Av ulike grunnar er fristen for bestilling kort og nettbutikken med våre klede stenger 1. november. Dette er for å få kleda tilsende innan veke 51.
I butikken vil de finna ulike modellar både til ungar og vaksne.
Dette fungerer slik som nettbutikkar elles der de sjølv bestiller, betalar og får det sendt til dykk.
Me er så heldige å ha god sponsorhjelp frå ulike bedrifter i Suldal – dette gjer det mogleg å ha sterkt reduserte prisar ut til medlemmene i Suldal IL.
Klikk her for å komma til nettbutikken eller kopier adressa til nettlesaren din:
(meir…)
by Per Even Tjøstheim | mar 9, 2020 | Resultatlister, Ski |
Seniorane ut frå start.
Søndag 8. mars blei turrennet Mosvatnet Rundt igjen arrangert. Med usikre isforhold på vatnet måtte ein legge om løypetrasèen og runden om Hedlebrekk blei brukt. Med til dels mykje regn og snøsmelting heldt spora seg derimot godt og løparane fekk real klisterfør med god glid. (meir…)
by Per Even Tjøstheim | mar 9, 2020 | Resultatlister, Ski |
Som dei to føregåande karusellrenna baud òg denne kvelden på flotte skiforhold med nokre minusgrader. Dette var tredje og siste karusellrennet i vinter, og snautt 200 løparar har vore med i år. Med mange foreldre, besteforeldere og søsken som heia og var med, blei det skiopplevingar både for store og små. Det er derimot endå meir plass i løypene – kanskje fleire tek turen til neste år? Sjå lenker for deltakarar i trim-og aspriantklassen, samanlagtresultat for dei som gjekk på tid og resultata frå siste renn.
Aspirant og trim, skikarusellen 2020 Telenorkarusell 2020, samanlagt
Resultatliste skikarusell 5. mars 2020 (meir…)
by Per Even Tjøstheim | mar 4, 2020 | Ski |
Klar- ferdig- gå!
Då er det klart for siste skikarusell i vinter. Det var opprinneleg oppsett fire karusellar, men sidan det første rennet ikkje blei avvikla på grunn av manglande snø blir det gjennomført tre renn. For dei som går på tid er det to av tre renn som gjeld i samandraget. Snøforholda er nå flotte og med meldingar om to-tre minusgrader og bortimot vindstilt, teiknar det til å bli ei flott avslutning på årets telenorkarusell. Dette rennet går i fristil og løypene er som dei to føregåande renna. Hugs at denne gongen er det premieutdeling! Om du gjerne skulle vore med på fleire skirenn i vinter, minnar me om turrennet Mosvatnet Rundt søndag 8. mars. Her er klassar for alle, både aktive og trimmarar.
Startliste 3. karusellrenn
by Per Even Tjøstheim | mar 3, 2020 | Ski |
Suldal idrettslag inviterer til det tradisjonsrike turrennet Mosvatnet Rundt. Merk at det også er renn for dei aller yngste. Det er fellesstart for alle.
Start og mål ved Gullinghuset
Dato: Søndag 8. mars 2020
Klokka: 13.00. Barnerennet for dei under 8 år har start kl. 12.30
Stad: Gullinghuset, Suldal
Stilart: Klassisk, 24 km (frå 17 år)
Løype: 8 km trasè på austsida av Mosvatnet i lett kupert terreng som vert gått 3 gonger. Start og mål ved Gullinghuset med løype sørover gjennom lysløypa mot Hedlebrekk, rundar rundt Bundingen og ut på Svardalsheia før ein svingar nordover mot stadion att kor ein vender. (meir…)
