Måndag 14. januar kl. 20 arrangerar skigruppa smørjekurs i gymsalen på Vinjar. Temaet for kvelden er grunnleggande innføring i bruk av glider, festevoks og klister. Ta med deg eigne, reingjorde ski som du kan øva deg på. Me held resten av utstyret som trengs.
Kurset er ope for alle interesserte.
Det er snart klart for årets skikarusell/Telenorkarusell i lysløypa ved Mosvatnet, Gullingen. Nå har heile løypa fått nytt lysanlegg og med nok snø ligg det til rette for flotte vinteropplevingar for heile familien.
1. karusell måndag 21. januar – klassisk
2. karusell tysdag 5. februar – fristil
3. karusell onsdag 20. februar – klassisk
4. karusell torsdag 7. mars – fristil
Dei under skulealder er aspirantar og går så langt dei vil. Frå 1. klasse kan ein velje om ein vil gå på tid eller om ein vil gå trimklasse utan tidtaking. Premie på siste rennet om ein har deltatt på tre løp eller meir. Start frå kl. 17.00 for aspirantar og trim. Start kl. 18.00 for klassar med tidtaking. Viktig å møte opp i god tid på første karusellen.
Påmelding med navn, fødselsår, skuleklasse, idrettslag/grend og klasse (tid eller trim) til ski@suldal-il.no innan fredag 18. januar. Startpengar kr 200,- betalast på første renn (gjeld alle 4 renna.) Oppdatert info vil du finne på denne sida, www.suldal-il.no
Helsing Suldal IL, Erfjord IL og Hjelmeland IL
Skigruppa vil leggja til rette for kjøp av skidressar.
Tysdag 2.oktober kl 19-20 vil det bli høve til å prøva skidressar i foajèen på Samfunnshuset.
Medlemspris: Dressar (jakke,buksa) barn kr. 799,-
Dressar (jakke,buksa) vaksne kr. 1199,-
Ta kontakt med Arne S. Mehus 48891669 om du lurer på noko.
NB! Er det nokon som ønskjer å byta/selja/gi vekk skidressar dei har, så kan det vere noko å tenkje på til denne kvelden
Førstkomande helg ønskjer skigruppa å arrangere kurs for unge og vaksne som vil læra meir om klassisk- og skøyteteknikk. Programmet er ikkje heilt fastlagt og det kjem an på kor mange som er interesserte. Det blir mest sannsynleg ei økt laurdag 24. mars og ei økt søndag 25. mars. Instruktørar blir Øyvind Røgenes, Ingeborg Kristensen Hoftun og Vebjørn Nerheim. Tykkjer du dette er interessant kan du melde frå på ski@suldal-il.no
I strålande sol tok 50 løparar pluss ein stor heiagjeng turen til Kleivane i Hamrabø. Her inviterte Vegard, Tom, Neri, Torunn og Sveinung til skirenn med løyper av høg kvalitet, stadion med plass til alle og skyss på første klasse. Hamrabørennet blei nå arrangert for tredje gong og var ei fin avslutning på skirenna i Suldal. Og typisk nok for vinteren 2018 – også denne dagen gjekk ein med tørrvoks i fine høve!
