Velkomen til 2. skikarusell – 21. februar

Sjølv om me har hatt nokre dagar med mildvêr og regn er det klart for 2. skikarusell i vinter.

Dette rennet går i fristil og som før startar aspirantar og trimmarar frå kl. 17. medan dei som går på tid skal starte frå kl. 18. Det er Hjelmeland IL som er arrangør og forutan skirenn blir det kiosk og varmestove slik som det skal vere. Vêrmeldinga er bra og dei lovar opphaldsver og rundt 2 grader.

Her er startlista:

Suldøler med god fart i Holmenkollen

Første helga i februar reiste seks ivrige skiløparar frå Suldal IL til Oslo for å delta i Ungdommens Holmenkollrenn. Dette er dei største skirenna i Norge for 13 og 14-åringar og totalt deltek bortimot 700 spreke ungdommar frå heile Norge.

Fem av ungdommane som gjekk renn pluss to eldre søsken i støtteapparatet
Fem av ungdommane som gjekk Ungdommens Holmenkollrenn. Pluss eit par eldre søsken i støtteapparatet.

Mange av dei eldste hadde vore med eit år tidlegare medan det for 13-åringane var første gong. Det er stas, men òg veldig spennande å komme til Holmenkollen. Alt er stort og stadion er slik ein ser på TV. «Mon tru om eg kan greie å gå like fort på ski som alle desse her», tenkte nok fleire, i gang med oppvarming klare til å gi seg i kast med dei harde Kollen-løypene.

(meir…)

Resultat 1. skikarusell

Det vart til slutt skirenn sjølv om teknikken lenge var vrang og starten måtte utsetjast fleire gonger. Suldal IL beklagar dette så mykje, men lovar å koma sterkare attende neste gong. Aspirantane og trimmarane som ikkje var avhengige av klokka kunne derimot gå uforstyrra og nyte kvelden.

Løyper , snø og vêr var upåklageleg og kiosken var god å ha for ventande skiløparar. Då starten gjekk var innsatsen stor og farten endå større. Her er resultata frå i kveld, oppsett utan tider tom. 10 år som regelverket seier.

(meir…)