Harde fakta 2019

Faktatid for herrene sin sesong. Her er Harde fakta 2019!

Håvard Fatnes og Mohammed I. Dawud spelte alle 17 kampane denne sesongen. Det viser at dei har prioriteringane i orden. Det vart ikkje 18 kampar, for det var eit lag som ikkje tok turen til Suldal i år også.

I år skal det seiast at det var mange som hadde prioriteringane i orden. Sjeldan er det så mange som har spelt eit så høgt antal kampar som i år. 13 spelarar har spelt 13 eller fleire kampar, og me har berre brukt 22 spelarar i år. Fire spelarar gjekk glipp av berre ein kamp. Kontinuitet har vist seg å løna seg i år! (meir…)

6. div herrer: Suldal – Pol 4-1 (2-0)

Siste kamp for herrelaget: Suldal måtte slå tabelltreer Pol, og Paradis måtte ikkje vinna mot tabelljumbo Storhaug. Om dette gjekk inn, så var det opprykk.

Dei fleste hadde nok ikkje tru på at Paradis skulle gå på ei blemme, så fokuset i Prestavikjo var å revansjera eit stygt 0-6-tap for Pol i vår.

Det såg ut til å skulla gå greit. Etter eitt minutt tok Suldal leiinga då Øystein Nærheim spelte Mohammed Ibrahim Dawud fri på venstrekanten. Mohammed skar inn mot hjørnet av 16-meteren og skaut ballen strålande opp i krysset.  (meir…)

6. div. herrer: Suldal – Paradis 1-5 (0-3)

    Ballen ville ikkje inn ofte nok i dag.

Endeleg opphald då kampen nærma seg start. 98 personar hadde fått seg lodd, årsbeste oppmøte. Alt var klart for fotballfest i Prestavikjo då herrelaget tok i mot Paradis til toppoppgjer.

Det var kjekt i ti minutt. Suldal starta bra, var aggresive og kom seg til fleire halvsjansar. På midten fekk spesielt Øystein Nærheim god boltreplass. Dette såg bra ut.

Så, etter ti minutt, set regnet inn og me rotar vekk ballen i forsvar. Paradis får sett fart på kontring. Avslutninga var kontrollert og sikker, og keeperen vår kunne lite gjera med at gjestene tok leiinga. Dette målet betydde mykje, det kunne me høyra på jubelen blandt spelarane og i innbyttarbua deira. Frå den mannsterke tribunen vår var det rolegare.

Dette kunne ein likevel snu! (meir…)

Opprykkskamp herrer 6. divisjon: Suldal – Paradis

 

Klikk på bilde for større kampplakat.


Laurdag 12. oktober kl 13.00 er det opprykkskamp mellom Suldal og Paradis i Prestavikjo.

Dette er første gong på ti år at herrelaget har ein reell opprykksfinale sidan me gjekk på ein smell i andre omgang mot Figgjo i 2009. Denne gongen satsar me på å halda heilt inn! For å få dette til, treng me all hjelp me kan få frå tribunen. Sjølv om vêret som er meldt ikkje er all verda, så håpar me at folk kler godt på seg og møter mannsterke opp. Kanskje til og med laga lyd!

For å hjelpa litt ekstra på dørstokkmila, vil me dela ut gratis is til barn ved kampstart. Gjennom kampen kan ein gå i kiosken og få eit gratis lodd som gjeld ved utlodning etter kampen. Skulle det bli jubelscener, så blir utlodninga etter desse. Ei fruktkorg og fem enkle Flaxlodd vil bli trekt ut til dei som framleis er på plass. Er ikkje vinnaren på plass, så blir gevinsten trekt på ny. (meir…)

6. div herrer: Suldal – Hundvåg 2 8-0 (5-0)

Suldal feirar nok ein heimesiger. Måtte det bli to til! Klikk på bildet for video.

Me er inne i sesongavslutninga, og herrelaget avsluttar med tre heimekampar. Det passar godt i opprykkskampen.

Første laurdag i haustferien var det Hundvåg 2 som kom på besøk i eit strålande vêr. Publikumsmessig var det vanskeleg å konkurrera med Møgedalsmarknaden, men dei som tok vegen fekk sjå mykje mål, gode angrep og oppofrande returløp. Resultatet vart rekordmange mål rette vegen, og clean sheet for målvakt Mikkelsen. (meir…)