Suldøler på skirenn i helga

Ingeborg Kristensen Hoftun og Mathea Vik har vore i sving denne helga og kjempa i toppen. 

Vingrom opp er eit nytt motbakkeløp på 12 km og 600 høgdemeter i klassisk stil. Ingeborg beit godt frå seg og vart nummer tre i sin klasse. Les meir om løpet på langrenn.com: VINGROM OPP VUNNET PÅ 51 MINUTTER (langrenn.com)

På Hovden var Mathea klart raskast på sin 3 kilometer i fri teknikk i J14. Dette teiknar godt før KM neste helg!

Vingrom Opp (eqtiming.com)

Resultatliste Hovden 6 mars

 

Skikarusell berga av kunstsnø

Det var stor aktivitet i lysløypa i kveld då aspirantane og trimmarane hadde hadde sitt første karusellrenn. 

Skileiken blei flittig nytta

Trass i flaumstore bekkjer og stadig mindre snø i heio var det gode forhold på kunstsnøen i løypene ved Gullinghuset. Skileiken blei trødd opp og ned utallige gonger og 40-50 barn og unge og like mange føresette laga skifest i regnet.

Trim- og aspirantkarusell i kveld, 24. februar!

Me har nok hatt dagar med greiare vintravêr i år, men me er uansett på plass i lysløypa i kveld.
I dag er det tid for alle aspirantar og trimmarar som ønskjer å ta turen, og det nok snø til alle. Hugs å kle deg etter vêret og slik smittevernsituasjonen er i dag har me desverre ikkje tilgong til Gullinghuset.
Det er ope for deltakarane mellom kl. 16.30 og 18.30 og startnummer må hentast innan kl. 18. Minnar òg om at alle som deltek på minst eitt renn får premiar 🙂

1. skikarusell – resultat

I mildvêr, men med fine løyper leverte Hjelmeland IL eit flott arrangement i lysløypa i kveld.

Endeleg vart første karusellrenn gjennomført og snautt 60 løparar mellom 7 og 20 år deltok. Mange har trent mykje utan å få gå skirenn i år, så det var eit utålmodig og ivrig startfelt som heiv seg i kast med løypene. Både kiosken og trimklassen mangla, men startnummer og Telenorpremiar var derimot på plass.

Karusell-23.02.21-Offisiell

 

Skikarusellen startar opp tysdag 23. og onsdag 24. februar!

Då blir det endeleg opna opp for skirenn att og Hjelmeland IL er klare til å arrangere første skikarusellen for dei som går på tid, tysdag 23. februar. Denne går i fristil. Karusellen for trimmarar og aspirantar blir onsdag 24. februar og Suldal IL er arrangør.

Rennet på tysdag startar kl. 18 og det er utdeling av startnummer frå kl. 17. Me gjer merksam på at det på grunn av smittevernreglar kun er mogleg å delta for løparar som er 20 år eller yngre. Løypelengder: 1.-2. klasse – 1 km, 3.-4. klasse-1,5km, 5.-6. klasse – 2 km, 7.-8. klasse – 3 km, 9.-10. klasse + jenter jr. – 5 km og gutar jr. 10 km.

Trim- og aspirantkvelden er open mellom kl. 16.30 og 18.30 og startnummer må hentast innan kl. 18. Felles for begge kveldane er at alle må registrerast når ein parkerar og det er diverre ikkje mogleg å nytte seg av Gullinghuset i år. Det er òg sett begrensing på høgst èin føresett per deltakar. Kle deg etter vêret og velkommen i lysløypa!

Skikarusell/Telenor-karusell på Gullingen utsett

Siste nytt frå Skiforbundet og FHI angåande smittevernreglar, er at det framleis blir strenge restriksjonar kring arrangering av skirenn. Dette vil i første omong vare fram til 18. februar. Det vil seia at skikarusellen som var oppsett 15. og 16. februar komande veke desverre blir utsett i første omgong til etter 18. februar. Me utvidar påmeldingsfristen til fredag 19. februar og dei som allereie er påmelde treng ikkje gjere det på nytt. Håpar flest mogleg trass i utsetjingar av skirenn, nyt det gode vintravêret og dei fine løypene!