|
|
 Frå fotball.no Foto: Thomas Brekke Sæteren Norges fotballforbund i Rogaland arrangerer gratis trenarkurs for damer: NFF Grasrottrenaren.
15.-16. september kan alle damer som har lyst få gratis trenarkurs hos Haugar i Haugesund. Det hadde vore svært kjekt om me kunne senda mange damer på dette. Nåverande og framtidige fotballmødre, tanter, bestemødre eller ungdommar som kunne tenka seg å læra det grunnleggande innan fotballtrening. Same kurset blir halde i Stavanger hos FK Vidar 1.-2. september.
Om du berre er litt interessert, så sender du ein e-post til fotball@suldal-il.no . Diskuter det gjerne på Facebooksida til Suldal IL. Det er ikkje berre menn som kan vera fotballtrenar!
Og du treng ikkje nødvendigvis bli trenar sjølv om du tek kurset, men du får heilt sikkert endå meir glede av å følgja opp ungar på trening og kamp.
Loddet er herved kasta til å få med endå fleire damer i fotballen i Suldal Me treng dykk!
Menn som ønskjer å kursa seg må sjølvsagt også ta kontakt på fotball@suldal-il.no . Me ønskjer å kursa så mange som mogleg!
 Premieutdeling Laurdag 22.4. var sju guttar frå 2.klasse som er medlemmer av Suldal IL i Sauda på Sentrumscupen, arrangert av Sauda IL si fotballgruppe.
Mina var lagansvarleg og Mikkel trenar for gutane. Meldingane frå barn og vaksne som var med er at det var ein veldig kjekk cup. Gutane spelte fem kampar mot motstandarar frå Odda og Sauda i alderen 8-9 år. Denne aldersgruppa spelar 5’er-fotball.
Bilda viser Suldal i kamp mot Odda i raude drakter og Sauda i blått.
Suldalsgutane var og representerte med eit lag i 12-årsklassen. Neste år håpar me at me kan stilla sterkare med fleire lag frå Suldal IL!
-
-
Sentrumscup i Sauda 2017
-
-
Sentrumscup i Sauda 2017
-
-
Sentrumscup i Sauda 2017
Måndag 24/4 blir det første kampdag med kiosksal i Prestavikjo når det er klart for svært lokalt oppgjer i G13-serien: Suldal 1 møter Suldal 2 kl 17.00.
Økonomigruppa i Suldal IL har rydda og vaska og kjem til å halda kiosken open på mange av kampdagane denne sesongen. Det kjem til å vera ope alle torsdagane det er Suldalsserie, og alle heimekampane til a-laget på laurdagar. I tillegg blir det ope enkelte av dei andre dagane når kretslaga spelar kamp, slik at alle laga i alle fall får eit par kampar med kiosksal. Etter kvart må me vel og få til litt musikk frå høgtalarane…
Det blir enkel, men praktisk servering, så ta med vekslepengar! Godt besøk i kiosken gjer det enklare å halde ope. Og stor takk på førehand til alle som kjem til å bidra med dugnadstimar! Me håpar dette skaper ei god stemning i Prestavikjo rundt kampane til born, ungdom og vaksne.
Klikk på Kioskdagar i Prestavikjo for og sjå når det er planlagt open kiosk. Dokumentet ligg fast i menyen til høgre.
Det blir rekordaktivitet for fotballgruppa i Suldal IL i år. Då treng me å ha litt kontroll.
I år skal me ha plass til trening og kamp for heile ni lag i Prestavikjo. Det er miniknott, knott og lilleputt i Suldalsserien, og G13-1, G13-2, G14, G15, J16 og A-laget i Rogaland fotballkrets sine seriar. I tillegg har me eit 10. lag, Suldal 7’ar – senior, men dei spelar alle kampane sine i Stavanger.
Dette gjer at det blir god aktivitet på banen, og at me treng oversikt. Nå er det fleire måtar ein kan få det på. I menyen til høgre finn ein overskrifta Fotballkalender. Her kan ein inn og finna «live» oversikt frå dag til dag.
Les meir…
 Arve Fløysvik frå Rogaland Fotballkrets kjem og har dommarkurs.
Det blir dommarkurs i Prestavikjo torsdag 30/3 kl 19.30 med Arne Fløysvik.
Ope for alle frå og med 9. klasse som er interesserte i å læra om korleis ein dommar tenkjer. Trenarar, a-lagsspelarar, ungdomsspelarar, føresette, oppmenn, pensjonistar, kort og godt; fotballinteresserte!
Me har ein flott aktivitet i fotballgruppa, men mange lag, og dermed får me eit stort antal krestlagskampar i Prestavikjo denne sesongen. Ser ut til at det kan bli 30-40 kampar, noko som er svært kjekt! Desse kampane må me halda dommarar til sjølv, og det er for mykje for 2-3 personar. Me er derfor avhengige av fleire som kan ta eit tak her.
Gi ei melding til fotball@suldal-il.no eller på dei facebookgruppene som denne invitasjonen er lagt ut på.
 Det lavar ned med tung snø, og ein del av denne treffer sjølvsagt banen vår.
For det første er brøytaren på ferie, og for det andre så er snøen i tyngste laget for ATV’en. Banen blir derfor ikkje forsøkt brøyta før tidlegast måndag. Les meir…
Det nærmar seg Statkraftcup 2017.
Suldal IL er påmeldt med ni lag; tre miniknottlag, tre knottelag, to lilleputtlag og eitt ungdomsskulelag. Totalt skal 37 lag vera med laurdag og søndag, så det blir mykje aktivitet!
Miniknott, knott og ungdomslaga spelar laurdag 11. mars, lilleputt på søndag 12. mars. For oversikt over kampprogram, kan de leite dykk fram i PDF-fila som ligg her: Statkraftcup 2017
Det blir Statkraftcup for aldersbestemt fotball 11.-12. mars i Suldalshallen.
Miniknott og knott spelar laurdag 11.mars. Lilleputt og ungdomsklassen spelar søndag 12. mars.
Helga startar med foredrag med Claus Lundekvam i Kulturhuset fredag 10. mars. Sjå eiga sak.
 Foto: NRK.no Det blir fotballavslutning for Suldalsserien i fotball torsdag 10. november kl. 17.00 i Vinjar gymsal.
Her blir det premieutdeling, pølser og gevinstar på same vis som før. Spelarar, trenarar, leiarar og føresette er velkomne. Avslutninga er frå og med 2. klasse til og med 1. kl vgs.
 Da har Suldalsgutane tilbrakt helga i Haugesund på cup. Turen begynnte bra med eit stopp i Ølen fredagskvelden for å spille seriekamp. Den vant gutane 2-0 etter godt spel og god jobbing. Med to kampar igjen i serien har da G15 laget til Suldal 20 poeng og ligg på 4 plass. Les meir…
I år går den tradisjonsrike Suldalscupen i fotball av stabelen den 3. september.
Det er på Jelsa at kappestriden skal haldast. Set av denne laurdagen!
«Min Fotball» er ein app for mobiltelefon som gir deg flott oversikt over lokalfotball, både senior og aldersbestemt.
Her får du kampar, resultat, tabellar med meir om alle aldersbestemte lag i krinsserien, samt seniorlaga. Du kan legge inn varsling både om kampresultat og om kamptidspunkt. Lett tilgang til terminlista. Me rådar alle til å laste ned denne, sjølv om ein sjølvsagt og må bruke heimesida vår og Facebooksidene for å halde seg oppdatert. (Siste endring for a-laget, Suldal – Vaulen 2, er til dømes ikkje retta frå 6. aug til 3. sept.)
Du kan laste den ned frå denne lenkja: Minfotballapp.no
Les meir…
 FK Haugesund – Start laurdag 2. juli kl. 15.30.
FK Haugesund har invitert Suldal på gratis kamp i Haugesund.
Suldal Billag AS v/Per Arne stiller med gratis buss.
Kjempetilbud, og det er 44 stk. som har meldt seg til å vera med. Bra!
Avreis Suldal Billag, Suldalsosen kl. 11.30
Bergekrossen, Sand kl. 11.45
Øvrabø, Ropeidhalvøya kl. 12.05
Det anbefalast å stilla i Suldal sine gule og svarte drakter om ein har mulighet til det.
NB: Fristen for å melde seg på bussturen er ute.
Helsing Suldal IL – Fotballgruppa ved Svein Øystein.
 Suldalsjentene J16 Som dei fleste bør ha fått med seg, har Suldal IL nå eit reint jentelag med i kretsserien.
Her kjem ein presentasjon av Suldalsjentene, som dei kallar seg, skrive av jentene sjølv.
Me er 17 fotballglade jenter frå Suldalsosen, Sand og Ropeidhalvøya i alderen 14-16 år. Me spelar 11’er-fotball for første gong i år, noko som både er kjekt og skummelt. Dei første kampane har me dessverre tapt, men det gjer ikkje så mykje sidan me har det kjempekjekt på banen. Laget blir betre og betre for kvar kamp!
Les meir…
Sesongen 2016 er godt i gong og menyen er oppdatert til 2016-standard.
Som før finn ein tabellar, resultat og lenkjer til eventuelle referat i menyen til venstre på sida. Her finn ein dei to tradisjonelle seniorlaga; Suldal 1 i 6. divisjon og Suldal 2 i 7’er-divisjonen. Morten Jelsa er trenar for laget i 6. divisjon, og Tor Olav Berge tek seg av 7’er-laget.
Me har, som i mange år tidlegare, aldersbestemt lag i krinsserien. I år er det G15 som gjeld. Her er det Tommy Espe som har teke laget opp eit år frå fjorårets G14-lag.
Nytt av året er det at me har med eit jentelag i serien, J16. Dette laget er tufta på Suldal IL sitt reine jentelag i Suldalsserien frå tidlegare år. Nå har dei fått med seg jenter frå Sand og Ropeidhalvøya, og reiser nordfylket rundt under kyndig rettleiing av Petter Hoås og Odd Austarå.
|
Grasrotandelen. Kor mykje har me fått i Grasrotandelen? klikke her!
For å registrere deg, send SMS. Skriv:
GRASROTANDELEN 983958605 til 2020 (tenesta er gratis),
eller ta kontakt med tippekomisjonæren din.
|
