Suldalscupen 2019

Laurdag 7. september var det Suldalscup i fotball for aldersbestemte lag.

Denne cupen rullerer rundt i grendene i Suldal, og i år var turen komme til Suldal IL og Prestavikjo stadion. Fredagkveld ordna dugnadsgjengen til i eit høljande regnvêr, men då laurdagen kom var det med sol og god temperatur. Det var kjekt, for det blir ein heilt anna cupstemning med solskin enn regnvêr!

Suldal-il.no kjem til å komma med mange bilde frå cupen ganske snart, men inntil vidare kan de sjå mange flotte bilde på Suldalsposten sine nettsider.

Lilleputt-klassen (6.-7.-8. klasse) var først ut, dei starta opp kampane kl 09.00. Det var ti lag fordelt på to innleiande puljer, slik at alle fekk spelt fire kampar kvar. Dei to beste laga frå kvar pulje gjekk vidare til semifinalar og finalar. I Pulje A var Sand 2 suverene og  vann alle kampane sine. Erfjord 1 var laget som slo følge til semifinalane frå denne gruppa. I Pulje B var det jamnare, men det var to lag som skilte seg ut før dei andre. Sand 3 og Erfjord 2 enda begge opp med 9 poeng, men Sand 3 hadde betre målforskjell. Sand og Erfjord dominerte lilleputt, med andre ord. I den første semifinalen var det Sand 2 som vann etter ein jamn kamp 2-1 mot Erfjord 2. (meir…)

G10 på Hjelmeland Sparebank-cup

Glade gutar på Hjelmeland.

G10 representerte på søndag 1.9. Suldal IL på Hjelmeland sparebank cup 2019.

Dei spelte tre kampar, 2*13 minutter hver kamp – mot lag fra Hjelmeland, Tau og Jørpeland, og slo godt frå seg. (Resultat er ikkje offentleg i barnefotball.)

Laget samarbeida godt og hadde det kjekt.
Bra innsats, guttene – Tor Olav, Jørgen, Samuel, Anders, Ondra, Thomas, Torstein, Ola, Hallvard.

Klikk deg inn på innlegget for å sjå bilde frå cupen. (meir…)

Siste og avgjerande ungdomsskuleserie på søndag

På søndag går siste runde i ungdomsskuleserien av stabelen på Kjølvikstølen på Ropeidhalvøya. 

Etter at alle bortsett frå dei to Sandslaga har spelt fire kampar, er det Suldal som står som einaste lag med full pott. På plassen bak ligg Røldal, som etter tre strake sigrar gjekk på eit tap mot Sand 1 i runden som gjekk på Sand. Dersom Sand 1 vinn hengekampen sin mot Sand 2 vil dei gå inn på tredjeplass, rett framfor Erfjord. Vinn Sand 2 derimot denne kampen, melder dei seg absolutt på i midtsjiktet av tabellen, saman med fjorårsvinnar Nesflaten og Haugil.  (meir…)

G16 seriemeisterar!

Puljevinnarar 2. divisjon G15/16 2019 vår! Foto: Tamara Roganovic.

Suldalsgutane sitt G16-lag vann vårserien i G15/16 2. divisjon avdeling 3 med ein overbevisande 8-0-siger mot Sauda tysdag.

Suldal vann sju av dei åtte kampane sine, og enda opp med ein solid målforskjell på +41 mål. Før kampen så var det litt spenning rundt kven som skulle vinna serien. Suldal og Stegaberg stod med 18 pooeng kvar. Suldal hadde 33 plussmål, mens Stegaberg hadde 31 plussmål. Suldal sin kamp starta kl 19.00 i Prestavikjo mot Sauda, mens Stegaberg skulle spela borte mot Falkeid Bokn kl 20.00.  (meir…)

G10 på RT-cup 2019 på Tau

Også i år tok Mikkel Kral med seg laget sitt til Midtbygdens IL sin RT Cup på Tau. I år konkurrerte dei i G10 Mix. Her er eit lite referat.

Lagbilde G10 Mix RT Cup 2019

Ein kjekk cup. G10 mix (6 gutar og 2 jenter med erfaring med 7’er fotball) med Mikkel som trenar stilte i 7’ar-fotball. Laget frå Suldal IL møtte Staal (Jørpeland), Hjelmeland og MIL ( Midtbygdens Tau), og fekk gode resultat i desse kampane. (Resultat frå barnefotball skal ikkje gjerast offentlege, derfor er ikkje dei med her i referatet.) Ungane var kjempeflinke. Dei hadde hatt eit par ekstra treninger før sjølve cupen, og viste godt samarbeid på banen på Tau. Supportarane kan ikkje klaga på spenning i kampane heller. (meir…)

Trenarkurs med FK Haugesund

Spelarar og trenarar på kurset.

14. mai samla 25 trenarar frå klubbane i Suldal seg til trenarkurs i regi av Christoffer Kydland frå FK Haugesund-akademiet. 

Kurset kjem som følger av at FK Haugesund ønskjer å få til samarbeid med breiddeklubbane i regionen, slik at ein både held så mange som mogleg av ungane i fotballen lengst mogleg, og at ein kan få fram lokale toppspelarar på sikt. Ein kan lesa meir om bakgrunnen i artikkelen Her dyrker FKH kjærligheten til breddeklubbene.

Ein skal nok ikkje sjå vekk frå at ein tidlegare Suldal Billag-sjef med hjarta både i Suldal og FK Haugesund har hatt ein finger med i spelet for at me har fått dette tilbodet…. (meir…)