Suldal IL si heimeside
I strålande sol tok 50 løparar pluss ein stor heiagjeng turen til Kleivane i Hamrabø. Her inviterte Vegard, Tom, Neri, Torunn og Sveinung til skirenn med løyper av høg kvalitet, stadion med plass til alle og skyss på første klasse. Hamrabørennet blei nå arrangert for tredje gong og var ei fin avslutning på skirenna i Suldal. Og typisk nok for vinteren 2018 – også denne dagen gjekk ein med tørrvoks i fine høve!
Då var alle dei fire renna i Telenorkarusellen i lysløypa gjennomførte. Me har hatt vêret med oss og alle renna er gjennomførte som planlagt. Takk til alle frivillige frå idrettslaga i Erfjord, Hjelmeland og Suldal som har gjort ein flott jobb med å arrangementa.
Resultat karusell, Gullingen 2018 – 4
Søndag var det igjen klart for det tradisjonsrike turrennet rundt Mosvatnet som i år hadde 70 års-jubileum. Løparar frå 13 år og oppover gav seg i kast med opptil tre rundar rundt vatnet og sjølv om det raskt blei strekk i feltet, var det kiving om plasseringane. Raskaste herreløpar var i år som i fjor, Audun Laugaland medan Gunnbjørg Hetlesæter var raskaste dame og fekk eit nytt napp i vandrepokalen. Også mange i trimklassen tok turen i den lengste løypa.
I tillegg til sjølve turrennet var det distanserenn for dei mellom 8 og 12 år og barnerenn for dei yngste opp til 7 år. Til heiarop frå foreldre, besteforeldre og andre laga borna ei fantastisk stemning på stadion medan dei vaksne var ute på sine rundar.
Deltakarar BARNERENN – Mosvatnet Rundt 2018
Deltakarar TRIM – Mosvatnet Rundt 2018
Med over 220 deltakarar i skisporet leverte Erfjord IL eit flott arrangement. Det blei endå ein kveld med tørrvoks og duellane var mange og tette. Me var òg heldige å få med gjesteløparar på vinterferie, og Vestfold var godt representert med deltakarar både frå Svarstad og Larvik.
Igjen ein flott vintrakveld med nokre minusgrader, ivrige skiløparar og fortreffelege lappar. Hjelmeland IL gjorde ein stor innsats som arrangørar og føra var god for både klassisk og skøyting.
I flott vintravêr og i gode løyper, deltok i alt 234 skiløparar i det første karusellrennet i år. 111 av desse gjekk på tid.
Velkomen att 6. februar!
I fine, men litt tunge snøtilhøve stillte vel 60 deltakarar til start i årets Mosvatnet Rundt. På grunn av overvatn på Mosvatnet gjekk løparane i staden tre rundar ut frå lysløypa og forbi Hedlebrekk. Vinnarane i den lengste løypa blei Audun Laugaland og Gunnbjørg Hetlesæter, begge frå Hjelmeland. Nytt av året var at det også blei arrangert skirenn med fellesstart for dei yngste. Innsatsviljen var stor og om nokre år ser me nok desse i den lengste løypa også.
Om tre av karusellrenna måtte utsetjast på grunn av lite snø eller vanskelege vêrtilhøve fekk me likevel arrangert fire flotte renn i Telenor-karusellen. Takk for godt samarbeid, både Erfjord IL og Hjelmeland IL! Her er resultatlista for det siste rennet.
120 løparar med stort og smått stilte til start i årets Suldalsrenn. Føret var raskt og løpstidene låge, raskaste løpar på ti-kilometeren brukte ikkje meir enn 23.39! Vinteren så langt har vore prega av lite snø, men nå får me att for arbeidet som er gjort i lysløypa siste åra og det skal ikkje mykje snø til for å få gode forhold.
I gnistrande vintravêr blei første renn i Telenorkarusellen gjennomført måndag 30. januar. Nysnøen frå kvelden før berga rennet og me fekk ei flott rame for om lag 240 løparar. Det var ein del utfordringar med mangelfulle startlister, men tidtakarane gjorde kva dei kunne for å lage reserveløysingar, og etter eit godt etterarbeid er lista nå så godt som komplett.
Offisiell Resultatliste (med forbehold) skikarusell 30.01.2017
Flott oppmøte, spesiellt av dei yngre, på årets Hamrabørenn. Mange av dei vaksne mimra om Svinstølrennet som var før og meinte det var på sin plass med eit nytt renn. Sjølv om tåka lå litt nedpå kosa både vaksne og unge seg med medbrakt mat mens dei venta på premieutdelinga. Rennet var eit sammarbeid mellom Hamrabø skiløyper og Suldal IL som vi håper vi kan få til fleire gonger. Under finn du resultatlister for dagen.
Da er skikarusellen 2016 gjennomført. 127 har gått i aspirant/trimklassen og 145 har vert innom i tidtakarklassane. Fine premiar til alle som har gjennomført 2 av 3 renn. Det var sett opp 4 karusellar men den første måtte avlysast pga snømangel.
Ein ekstra takk til alle dei som har stillt opp på dugnad både ute og inne. Under finn du resultatliste frå kveldens renn (resultat3) og sammenlagt resultatliste.
