Pause på Tysværvåg gras
13-årslaget innleia haustsesongen med kamp mot Falkeid i Tysværvåg måndag kveld. Kampen var jamnspelt, og sjølv om det til slutt vart tap viste gutane at dei kan gå hausten lyst i møte.
Det var Suldalsgutane som kom best i gong, og allereie etter 7 min fann André vegen til nettmaskane. Taktikken til Falkeid var som i kampen i vår: Stikkarar frå midtbanen til raske spissar som skulle springe frå forsvaret vårt. Men midtstopparane Gunnar og Aslak var flinke til å ta ut dybde slik at det ikkje vart farleg framfor ein god Marius i suldalsmålet. Men tidleg i omgangen gjorde skader at omrokkeringar måtte gjerast i midtforsvaret. Dette utnytta Falkeid og fekk sett inn 2 raske mål før Suldal hadde organisert seg i nye posisjonar. Resten av om gangen er jamnspelt, og ebbar ut med 2-1 til heimelaget.
God kamp av Levar og Kentaro
2. omgangen starta på verst muleg vis: Svake klareringar og nølande forsvarsspel gjorde at Falkeid 2 gonger fekk auke leiinga. Men Suldalsgutane kjemper seg inn i kampen igjen. Plutseleg sat pasningsspelet slik me veit dei kan. Pelle fann Rodas, som spelte fram André i fin posisjon. Redusering til 4-2. Like etter opnar Daniel forsvaret til Falkeid med ein fin crossball til Håvard. Innlegget var perfekt, og Rodas kunne styre inn ei ny redusering.
Etter dette sleit begge lag med å halde opp konsentrasjonen: Falkeid fekk gå opp i ei ny 2- målsleiing etter passivt forsvarsspel. Like etter er det Falkeid som står og ser på medan Kentaro kjempar inn Suldal sitt fjerde mål. Kampen stod og vippa på stillinga 5-4, og det hadde ikkje vore noko å seie på om Suldal hadde fått med seg eit poeng. I staden avjorde heimelaget like før full tid med sin spesialitet: Gjennomspel i midten. Dermed enda kampen 6-4. periodevis godt spel av Suldal. Med større aggressivitet gjennm heile kampen kunne dette enda med seier.
Neste kamp i kretsserien er mot Haugar 2 måndag 9 sept. I Prestavikjo. Kom og sjå kamp etter at stemminga er overstått!
Mål
0-1 7 min André
1-1 15 min Falkeid
2-1 17 min Falkeid
3-1 30 min Falkeid
4-1 38 min Falkeid
4-2 45 min André
4-3 48 min Rodas
5-3 50 min Falkeid
5-4 51 min Kentaro
6-4 68 min Falkeid
Lag: Marius Søraas, Aslak Fisketjøn, Gunnar Skålheim, Jørgen Lund, Levar Sand, Kentaro Indo, Eirik S. Halgunset, Daniel Espe, Håvard Fattnes, Rodas Teklay, André Vatland
Innbyttarar: Robin Staabø, Pelle Tijhuis, Jone Odden
