Fire av spelarane som har vore på vift siste året men som nå er tilbake i Suldal IL: Jørgen Andre Mikkelsen og Mohammed Ibrahim Dawud frå Vaulen, Arin Eirikssønn og Tom van Ruiven frå Sauda.
ENDELEG er seniorfotballen i gong igjen, 22 månadar etter sist seriekamp.
Etter halvanna år med litt trening til og frå, alt etter kva motivasjon og reglement som har vore gjeldande, kunne a-laget i august setta i gong med skikkeleg fotballtrening igjen. Som i 2019 er det Arne Abrahamsen som er trenar, og framleis er det 6. divisjon som gjeld. I 2021 blir det kun spela enkel serie, så det blir ni kampar. Fire av kampane er heimekampar, så det er få sjansar til å få sett laget i aksjon i Prestavikjo i år. Det er berre til å legga inn laurdagane 21. august (Storhaug), 28. august (Pol), 11. september (Hundvåg 2) og 2. oktober i kalenderen. Sjå på fotballkretsen sine sider for terminliste, resultat og tabell.
Mange av dei kjende spelarane er framleis på plass, mens nokre har forsvunne. Heldigvis får me tilført nye spelarar frå Suldalsgutane, derfor er det også nye fjes. Det er god spreiing både i alder, antal kampar og geografisk. Me skulle sjølvsagt hatt bilde av spelarane også, men det har ikkje blitt prioritert.
Gå vidare i innlegget for årets spelartropp som tel 28 spelarar!
| Spelartropp 2021 | |||||
| Etternamn | Førenamn | Alder 2021 | Barndomsgrend | Kampar frå 2009 | Kommentar |
| Adjemi | Rene | 41 | Erfjord | 39 | Evigung med comeback etter nokre år pause. Spelte mest før adelskalenderen starta. |
| Berge | Ingve | 28 | Suldalsosen | 132 | Spelaren med flest kampar etter 2009 og stilt opp på det meste kvar sesong etter det. |
| Dawud | Dawus Ibrahim | 21 | Sand | 23 | Omskolert frå spiss til keeper. |
| Dawud | Mohammed Ibrahim | 19 | Sand | 19 | Tilbake etter juniorspel i Vaulen under koronapausen til seniorlaget. |
| Eiriksson | Arin | 17 | Sand | 0 | Debutant på seniornivå og tilbake etter juniorspel i Sauda. |
| Erfjord | Hallvard | 25 | Erfjord | 77 | Skade på trening gjer at han nok ikkje er klar i haust. |
| Espe | Isak Berge | 23 | Suldalsosen | 65 | 23 år og må reknast som rutinert. |
| Espe | Daniel Berge | 20 | Suldalsosen | 9 | Tilbake etter nokre år fotballpause. |
| Fatnes | Håvard | 21 | Sand | 41 | Spelaren med flest kampar dei tre siste sesongane. |
| Foldøy | Knut Hoås | 34 | Sand | 30 | Faktisk berre spelt to heile sesongar for Suldal etter 2009, men nå er han i siget. |
| Gundersen | Elias | 15 | Suldalsosen | 0 | Første sesong på seniornivå etter fleire år på Suldalsgutane. |
| Josdal | Espen | 29 | Jelsa | 46 | Kampar i seks sesongar på rad før pause i 2019. Tilbake igjen nå. |
| Karlsen | Marcus | 18 | Sand | 13 | På veg inn i sin andre seniorsesong. |
| Larsen | David Roganovic | 18 | Sand | 0 | Debutant på seniornivå og tilbake etter juniorspel i Sauda. |
| Lavalette | Lars Tveit | 25 | Suldalsosen | 57 | Har kampar i ni av dei siste ti sesongane. Flytta til byn frå austlandet og er tilbake for fullt. |
| Marvik | Martin | 15 | Sand | 0 | Første sesong på seniornivå etter fleire år på Suldalsgutane. |
| Mikkelsen | Jørgen Andre | 18 | Sand | 16 | Tilbake etter juniorspel i Vaulen under koronapausen til seniorlaget. |
| Nærheim | Øystein | 28 | Suldalsosen | 35 | På veg inn i sin andre sesong etter heimkomsten frå Djerv 1919. |
| Nærheim | Knut | 21 | Suldalsosen | 3 | Debuttsesong i 2019, usikker med skade. |
| Steine | Torjus | 22 | Suldalsosen | 40 | Fotballengasjement både som spelar og ungdomstrenar. |
| Steine | Bjørn Madland | 34 | Suldalsosen | 85 | Alltid tilgjengeleg og rutinert som få. Til disposisjon i år også. |
| Sørås | Tore Bendiksen | 34 | Sand | 69 | Gir seg nok ikkje før han tek igjen Jone som toppskårar etter 2009. |
| Underbakke | Ørjan | 30 | Suldalsosen | 122 | Tredjeplass på adelskalenderen, og kampar i 10 av dei 11 siste sesongane. |
| Utbjoa | Jone | 31 | Ropeidhalvøya | 130 | Toppskårar i klubben etter 2009, nestflest kampar og omskolert til back. |
| Vaage | Erik | 29 | Erfjord | 56 | Kampar i dei seks siste sesongane og stiller seg tilgjengeleg også i år. |
| van Ruiven | Tom | 17 | Sand | 0 | Debutant på seniornivå og tilbake etter juniorspel i Sauda. |
| Vik | Sindre | 18 | Suldalsosen | 0 | Debutant på seniornivå og tilbake etter juniorspel i Nærbø. |
| Wigestrand | Johannes | 26 | Sand | 46 | Spelte mest i åra 2012-2014. Har sporadiske kampar etter dette. Kanskje med for fullt i år? |
| Gjennom-snittsalder | 24 | Kampar i gjennomsnitt | 41 | ||
Nokre av dei som var med oss i 2019 har takka for seg. Me takkar dei for innsatsen, og ønskjer lukke til vidare i fotballverda for dei som ikkje har lagt opp.
| Spelarar ut etter sist sesong | |||||
| Aas | Vegard | Totalt 44 kampar. Trappa ned etter kanonsesongen i 2019. Meldt overgang til Midtbygdens, mest som trenar? | |||
| Liseth | Jon Eirik | Flytta til Bergen etter fleire år som lærar på Topp Volley. Fekk ein sesong med 14 kampar | |||
| Arias | Javier Milan | Keeperen flytta til Haugesund, fekk fem kampar. | |||
| Mehus | Haakon E. | Lagt opp på grunn av skader. To sesongar med 12 kampar totalt. | |||
| Listøl | Ådne | Kom til Suldal då Sauda ikkje hadde lag. På grunn av korona blei det ingen kampar. Tilbake til Sauda nå. | |||
| Mehus | Atle | Kom til Suldal då Sauda ikkje hadde lag. På grunn av korona blei det kun ein omgang med treingskamp. Tilbake til Sauda nå. | |||
| Larsen | Thomas | Kom til Suldal då Sauda ikkje hadde lag. På grunn av korona blei det ingen kampar. Tilbake til Sauda nå. | |||
| Steinbru | Kjetil | Flytta heim og var klar for fullt for Suldal i 2020, men så sette korona stoppar, og har nå flytta. Spelte to kampar i 2011. | |||
