Pulja for 7ér-fotballen er nå  klar, og i år som i fjor kjem me til å spele både borte- og heimekampane i Stavanger.

Resultat og tabell finn de her på Speaker.no.

Kampane er sett opp på torsdagar. Det kan hende me kjem til å avvike noko frå det for å få det til å gå i hop med 1’er-laget sine kampar.

Nytt av året er at me har ny oppmann, Sindre M. Steine. Grunna ein lumsk kneskade på fjoråret sin eminente oppmann Vidar Hilde, fann me det best å gi stafettpinnen vidare. Det er ikkje slik at Vidar ringjer og pratar med kneet, men skulle det ikkje bli så mykje spel så er det greit å ha ein som alltid er på plass til å styre skuta.

Det var ikkje eit vanskeleg val då erstattar for Vidar skulle leitast opp. Sindre var med på samtlege 7ér-kampar i fjor, og er av dei mest trufaste på treningane i byn. Han er både talefør og påliteleg, så dette kjem til å gå strålande.

I år håpar me at me kjem godt i gong og tek med oss det gode spelet og innsatsen frå haustsesongen i fjor. Nokre nye lag, og nokre kjenningar. Frå tidlegare har i alle fall Buøy 3 og Vidar vist seg å vere ganske så solide, men med eit positivt førsteår i fjor ser me lyst på 7ér-laget vårt.

Oppsettet er førebels som følgjer. Klikk på resultatet for å lese referat.