G10 på Hjelmeland Sparebank-cup
Glade gutar på Hjelmeland.
G10 representerte på søndag 1.9. Suldal IL på Hjelmeland sparebank cup 2019.
Dei spelte tre kampar, 2*13 minutter hver kamp – mot lag fra Hjelmeland, Tau og Jørpeland, og slo godt frå seg. (Resultat er ikkje offentleg i barnefotball.)
Laget samarbeida godt og hadde det kjekt.
Bra innsats, guttene – Tor Olav, Jørgen, Samuel, Anders, Ondra, Thomas, Torstein, Ola, Hallvard.
Klikk deg inn på innlegget for å sjå bilde frå cupen. read more…
Suldalscup i fotball 2019
Klikk på annonsa for lesbar storleik.
Suldalscup i fotball
Laurdag 7. september er det tid for den årvisse Suldalscupen for dei aldersbestemte fotball-laga i kommunen. I år er det Suldal IL som er arrangør, og derfor er det på kunstgrasbane i Prestavikjo på Suldalsosen det skjer denne gong. Her blir det kiosk både ved banen og i Samfunnshuset.
Det er meldt på 295 spelarar frå 2. klasse til 16-åringer – miniknott, knott, lilleputt og ungdomsskule. Desse er fordelt på 35 lag frå heile kommunen. I tillegg stiller Røldal IL med eit lag i kvar klasse.
Dei første laga startar kl 09.00, kioskane opnar kl 11.00, og me reknar med å halda på til kl 17.00.
Statkraft og Sparebanken Vest, som er to av hovudsponsorane våre, stiller med aktivitetar ein kan delta på.
Me håpar mange tek turen innom. Vel møtt!
Suldal IL, fotballgruppa.
6 div avd 3 Storhaug 1-3 Suldal
Kampen, Storhaug-Suldal er etter kvart blitt ein gjenganger i fleire år. Dette er eit lag som dei siste åra har vore opp og ned mellom 5 og 6 divisjon. Dette året har det likevel gått i motbakke for dei raude bygutane. Eit inntrykk underteikna har av dette laget etter å ha spelt mot og sett Storhaug fleire gonger er at dei spelar fin fotball, er fair og gode. Etter kampen på Midjord denne fredagen i august har dette biletet endra seg betraktelig. Makan til tregt, klagete og stygtspelande lag er det heldigvis ikkje ofte me møter i pulja vår. read more…
Kvinner 4. divisjon: Torvastad-jr – Suldal Kvinner Senior 0-6
Dagens lag mot Torvastad.
Etter fleire tap og ein avlyst kamp var Suldalsdamene i dag klare for å reisa til Torvastad og gje dei skikkeleg kamp om poenga.
Suldalsdamene starta fredagen med å vere lokalisert godt spreidd på Vestlandet. Me kom reisande frå Stord, Ølen, Stavanger og Suldal, og hadde endeleg klart å samla ein stor nok tropp til og stilla til kamp. Dagen skulle likevel by på nokre utfordringar. Stengde vegar og halvsjuke spelararar sette sitt preg på dagens mannskap. Me fekk forskyva kampen ein halvtime grunna forseinka spelarar, men måtte starta kampen og spela store delar av første omgang med berre 10 spelarar. Takk til Torvastad-jr som spelte fairplay og tok ut ei av deira spelarar og! Etter kvart som bilen frå Stavanger kom på plass, var det fleire av Suldalsdamene som måtte ha seg pausar grunna skranten form. Trur trenar Petter Hoås sukka eit par ekstra gonger i dag, men etterkvart kom smilet på plass:) read more…
Menn 6. div avd 3: Suldal – Sørmarkå 5-1 (3-0)
Såkalla sekspoengskamp i Prestavikjo; Suldal på 3. plass tok imot Sørmarkå på 4. plass.
Suldal hadde eit forsprang på tre poeng før kampen. Skulle dei få luke, eller kom laga til å stå likt? Det viste seg at Arne Abrahamsen sine menn hadde dagen. Underteikna leita etter orienteringspostar og blåbær på Skoddvoll i første omgang, men pausepraten blandt eit høvevist talrikt publikum kunne fortelja om ein førsteomgang der Suldal hadde spelt til tider svært bra. Mykje godt pasningsspel, og fleire sjansar enn dei tre som blei putta. Sørmakrå viste ikkje igjen det dei gjorde i den første kampen i sesongen, då dei slo Suldal 4-1. read more…
Menn 6. div avd 3: Suldal – Vaulen 2 3-1 (1-0)
Det vart siger i første kamp etter sommaren, ein kamp som eigentleg høyrer til vårsesongen.
Etter at amatørane hadde spelt frå seg i årets utgåve av Gredacupen, var det proffane sin tur på kunstgraset i Prestavikjo. Ein gammal kjenning, nemleg Vaulen 2, kom på besøk. I vårsesongen vann Suldal fem kampar og tapte tre, så med denne sigeren er me nå oppe i seks sigrar, 18 poeng og 3. plass på tabellen når sesongen er halvspelt. Det er berre tre poeng opp til dei to leiarlaga Pol og Paradis. Paradis slo me knapt 1-0, men det vart eit smerteleg 0-6-tap mot Pol. Begge desse laga kjem til Suldal i haust, det blir spennande… read more…
K4: Suldal – Kopervik/Åkra/Vea/Skudenes 0-3 på walk over
Grunna mange uheldige omstendigheiter, måtte Suldal melda avbod til damekampen i helga.
Resultatet av dette er 0-3-siger til samlingslaget frå Karmøy. Me reknar med at damene kjem sterkt tilbake utover hausten!
6 div avd 3 POL 6-0 Suldal
POL og Suldal var begge to av fleire lag på 15 poeng før denne laurdagskampen på Stemmen kunstgras på Tasta. Kun Paradis, som Suldal slo helga før hadde fleire poeng før 6 divisjon avdeling 3 tok ferie. read more…
6 div avd 3 Paradis 0-1 Suldal
Suldal sine beste menn har åpna sesongen ganske greit og låg seks poeng bak topplaget og denne fredagens motstander, Paradis.
Paradis er eit lag som hadde sin spede begynnelse på Storhaug i Stavanger for nokre år sidan. Suldal har møtt dette laget fleire gonger både i 5 og 6 divisjon der bylaget har hatt eit grep om oss bygdagutar, med få unntak. Kveldens heimelag spela i 5 divisjon 17/18 sesongen, men måtte ta den tunge vegen ned i 6 divisjon etter litt skral poengfangst. Denne sesongen har dei derimot imponert og hadde før kampen mot Suldal kun tapt ein kamp. read more…
6. div: Hundvåg 2 – Suldal 4-3 (2-0)
Når sjansen til å klatra heilt til topps på tabellen var der, så ville det seg ikkje borte mot Hundvåg 2 sist fredag.
Ein skulle tru at Trave på Ryfylkedagane skulle lokka spelarane til å ta ein tre-poengar, men til pause leia Hundvåg 2 2-0. Kva som blei sagt i garderoben då, vil eg tippa ikkje er for sarte sjeler. Heimelaget skåra i tillegg først i andre omgang også, slik at det stod heile 3-0 før Suldal kom i målprotokollen. read more…
Besøk sidan februar 2009
Hovudsponsorar
Sponsorar
