Spelarar som har aksla suldalstrøya

statistikk

Det dukkar opp fleire namn som har spelt for Suldal: Øystein Moe skal sjølvsagt på lista!

Øystein spelte både for Suldal 1 og Suldal 2 med ujamne mellomrom i tidsperioden ca 1997-2002 og er nå å finne på lista over spelarar frå 1997 og framover. Studering andre stadar enn i dalføret gjorde nok at det vart få fulle sesongar, men underteikna hugsar han som ein uredd kar med både fart og kondisjon over snittet!

Skulle det vere andre som ikkje er komme med på lista, så set me pris på å få beskjer: nettansvarleg@suldal-il.no

Suldal IL – Norway cup 1982

 

Lag bilete på Ekeberg sletta. Desse var med: Eivind Bjordal, Ove Bjordal, Svein Bjordal, Asle Fisketjøn, Jon Bjarne Hoftun, Leiv Åmund Hoftun, Tor Kvaløy, Frode Mehus, Frode Pettersen, Ove Andre Pettersen, Per Gunnar Tysnes, Arne Vold, Erik Walter Vold.  Trenerar og lagleierar Olav Bjordal, Ingvar Rød, Jan Even Røttingen

Lagbilete på Ekeberg sletta.
Desse var med: Eivind Bjordal, Ove Bjordal, Svein Bjordal, Asle Fisketjøn, Jon Bjarne Hoftun, Leiv Åmund Hoftun, Tor Kvaløy, Frode Mehus, Frode Pettersen, Ove Andre Pettersen, Per Gunnar Tysnes, Arne Vold, Erik Walter Vold. Trenerar og lagleierar Olav Bjordal, Ingvar Rød, Jan Even Røttingen

Det er ikkje så ofte Suldal har stilt med lag i Norway cup, men i 1982 var det ein gjeng som reiste.

Arne Vold minnest:

«Meinar å hugsa det vart tap i alle tre innleiande kampar, trur me tapte ein fjerde ekstra kamp og.  Premie for best orden på skulen me overnatta på gjekk sjølvsagt til Suldal (stilleste gutten på sovesal 1, som Lillebjørn song), og vart belønna med eit medisinskrin.

Sjølv om Viking vann serien dette året, var det mykje Vålerenga-flagg og skjerf å sjå på suldølen denne veka.»

Klikk på biletet for å sjå nærare på gutane.

Dette innlegget finn du igjen i menyen under «Nokre glimt frå tidlegare tider». Me tek i mot alt med takk! Send til nettansvarleg@suldal-il.no

Inge blei far i går!

OLYMPUS DIGITAL CAMERA

I går blei Inge Lunde far for første gong.

Vesle Aurora kom til verda om føremiddagen den 6. mars, og alt skal stå bra til med mor og barn.

Me reknar med at Inge kjem til å halde ei trygg hand rundt veslejenta, sidan han er målvakt og vart kåra til årets  spelar på Suldal 2 i sist sesong. Noko av det første jenta kjem til å lære seg, er nok å ta hyss!

Suldal IL gratulerer!

Heimesida gjer klar til ny fotballsesong

Suldal emblem utan bakgrunn

 

Sesongoppkøyringa er i gong, a-laget har hatt si første samling i Suldalshallen. Det er tid for å gjere klart for neste sesong.

Menyen til venstre vil dermed skiftast litt ut på fotballsidene. Det som gjeld sesongen 2012  forsvinn herifrå, men det vil bli å finne ved å klikke på  A-lag – med arkiv i menyen. Her kan ein under Arkiv sesongen 2012lese eit samandrag av sesongen, samt få god oversikt over statistikk og kåringar.

Spelartroppen frå 2012 ligg ute litt til, men naudsynte endringar vil bli gjort fram mot seriestart.

Faste postar blir liggjande som før, slik som skade og statistikk. Aldersbestemt fotball sine sider vil og etterkvar bli bytta ut. Desse vil og bli å finne på arkivsider når dei forsvinn frå menyen.

Spelartroppen 2013: To ut, elles liten endring

Suldal emblem utan bakgrunnSom de kan lese i andre innlegg, har to spelar meldt overgang til andre klubbar i vinter. 

Sindre M. Steine går til IL Pol, og Ådne Nærheim til Stegaberg IL. Elles er det ikkje meldt om andre endringar frå klubbleiinga. Spelarstallen ser dermed ut til å vere nokonlunde som i 2012. Om det ikkje er nye fjes på veg inn, så kan me likevel håpe på at me får sjå meir til gamle fjes som ikkje har vore så mykje med i det siste. Det vil me nok sjå etter kvart.