Hovudsponsorar
Sponsorar
Sponsorar
Statkraft Energi AS signerar ny hovudsponsoravtale med Suldal Idrettslag
Suldal Idrettslag er stolte av å kunna kunngjera at Statkraft Energi AS signerar ny hovudsponsor avtale!
Statkraft har vore ein viktig samarbeidspartner for Suldal IL gjennom fleire tiår, og har hatt stor betydning for aktiviteten i laget. Statkraft er solid forankra og godt kjent blant folk på Suldalsosen og i resten av Suldal kommune. Selskapet er også ein nær nabo til idrettsanlegget vårt i Prestavikjo, noko som gjer samarbeidet ekstra kjekt.
Den nye samarbeidsavtalen er ein treårig hovudsponsoravtale frå 01.01.2026 til 01.01.2029, med to opsjonar på forlenging (1 + 1 år).
Støtta frå Statkraft betyr mykje for Suldal IL og gjer det mogleg for oss å vidareutvikla aktivitetstilbodet vårt. Ho vil vera eit viktig bidrag til at me kan halda fram med å skapa aktivitet, meistring og idrettsglede for barn, unge og vaksne i Suldal – og slik styrkja både folkehelse og samhald i lokalsamfunnet vårt.
Me set stor pris på tilliten og ser fram til eit godt samarbeid med Statkraft dei komande åra!
Fra venstre: Haavard Vaage (Leiar Suldal Idrettslag) Åshild Skjerahaug (Statkraft ) Foto: Statkraft
Påskestemning på kretsrenn
Suldal IL var godt representert då det vart arrangert to kretsrenn på rad i helga 7.–8. mars. Både under Gjesdalburennet og skicross-rennet på Tjørhom leverte løparane frå Suldal solid innsats i flotte, men krevjande forhold.
read more…Rogalandscupen senior: Suldal – Avaldsnes 2-8 (2-2)
Det er klart for ny sesong for a-laget. Også i år blir det 6. divisjon, og som i fjor tjuvstarta me med Rogalandscup og Avaldsnes som motstandar. Kjekke folk desse raud-kvite frå Karmøy, men det kunne nå vore interessant med ny motstandar sidan det var same oppgjeret i 1. runde i fjor.
Det var litt spenning om det i det heile ville vera mogleg å spela kamp i Prestavikjo innan 3. mars som var fristen. Oppsett dato 14. februar var i alle fall heilt uaktuelt. Brøyting av bane gjennom vinteren hadde lagt igjen knallharde brøtyekanter langs sidelinjene som i botn hadde gått over til is. Ei stund såg det håplaust ut, men litt mildver, ein del regn og mykje godt arbeid av både a-lagsspelarar, brøytarar og andre frivillige, blei banen klar til kamp.
read more…Statkraftcup 2026
Sesongen 2026 er i gong, og som vanleg startar det med IL Sand sin Statkraftcup i Suldalshallen.
Mykje er som før, miniknott og knott spelar laurdag, og lilleputt og ungdom søndag. Masse folk, stort sett jamne kampar, god innsats og godt arrangement. Det som var nytt i år, var banedekket og futsalball. I sommar blei parketten skifta ut med nytt sportsdekke. Dette er litt mjukare enn parkett, og ser ut til å fungera godt. Futsalball var det nok ikkje alle som var vane med. Dette er ein litt «daudare» ball; den sprett mindre og er tyngre og få til skot med, men for dei tekniske så sit den som limt til foten. Her hadde gjerne dei som har fått trent litt med slik ball ein liten fordel. Futsal og fotball er ikkje heilt det same.
Årsmøtepapir – Suldal IL
Årsmøtepapira er no gjort tilgjengelege og kan lesast på følgjande side:
https://www.suldal-il.no/?page_id=13347
Dersom det er spørsmål eller anna knytt til årsmøtet, kan desse rettast til leiar.
Leiar: Haavard Vaage
Telefon: 907 34 907
E-post: leiar@suldal-il.no
Sterk stafett på Hovedlandsrennet
Simon Bakka (G16) imponerte då han gjekk Agder og Rogaland skikrets opp i leiing på første etappe i stafetten under Hovedlandsrennet på Savalen på Tynset.
read more…#varsling i idretten
Suldal idrettslag skal vere ein trygg og god arena for alle våre medlemmar. Det er viktig at dersom du har opplevd eller vore vitne til hendingar,handlingar eller åtferd som bryt med våre reglar, seier du frå om dette. I Suldal idrettslag tek me alle varslar om kritikkverdige forhold på alvor.
Når eit varsel kjem inn til oss, vil det vere styreleiar som mottar varselet. Dersom du har spørsmål om varslingssaker, eller er usikker på om det du sit inne med, faktisk er eit varsel, kan du kontakte styreleiar direkte på telefon eller e-post. Styreleiar vil hjelpa deg vidare i prosessen.
Om varselet gjeld styreleiar, vert det sendt vidare til kretsen.
Me oppmodar også til å kontakta rådgivarar i idrettskrinsen dersom du har generelle spørsmål om varslingssaker i idretten og den anbefalte prosessen.
Denne informasjonen ligg fast i menyen til venstre på heimesida under #varsling i idretten.
Norges Idrettsforbund — ordinær varsling
| Eg vil varsla. | Klikk her. |
| Eg skal hjelpa ein som varslar. | Klikk her. |
| Eg skal handsama eit varsel. | Klikk her. |
| Eg vil vita meir om kva mitt varsel er. | Klikk her. |
| Er du usikker på kva ein kan varsla om? | Klikk her. |
| Logg inn Mitt varsel (admin) | Klikk her. |
Årsmøte Suldal Idrettslag
Vestlandske skistemna 2026
Helen Moen Gjuvsland melder:
I dag skein sola og fem frå Suldal IL stilte til start på Vestlandske skistemna på Voss. Rennet var planlagt som skiatlon , men grunna snømangel og smale snøtrasèar blei det friteknikk fellesstart.
Dei yngste kunne også delta med individuell start i år. Edel Gjuvsland var først ut i klassen J9 1 km.
Jone Gjuvsland (G14), Ida Vaarvik Laugaland (J13) og Amalie Lunde (J13) starta på likt i fellesstart 3 km. Jone og Amalie vann sine klassar og Ida fekk 4. plass.
read more…Oslo Skifestival 2026
Aslak Moe melder:
I helga vart Oslo Skifestival arrangert i Holmenkollen. Dette er landets største skirenn for barn og ungdom med over 1700 deltakarar frå heile landet, og Suldal IL var representert med to deltakarar: Simon Bakka i klassen G16 og Vegard Moe Handeland i klassen G10.
Simon var først i ilden på lordagen med 5km friteknikk. Han syns sjølv han starta løpet litt forsiktig, men gjekk seg opp på slutten og kom inn til ein sterk 24.plass av 90 startande. Simon set høge krav til seg sjølv og hadde nok håpa at han var nokre sekund nærare toppen då løpet danna grunnlag for jaktstart dagen etter.
read more…Besøk sidan februar 2009
Utstyrsleverandør
Hovudsponsorar
Sponsorar
