Mange vil ha fått med seg at Suldal IL jobbar med å utvikla Prestavikjo stadion til eit nærmiljø- og fleiridrettsanlegg.
Prosjektet er spelt inn til Suldal kommune til budsjetthandsaminga, og i haust vil ressursgruppa jobba med å skaffa økonomiske midlar til prosjektet gjennom kommunal støtte, spelemidlar og støtte frå stiftingar, næringsliv og andre.
Me har eit håp om at me får starta på prosjektet over vinteren, aller helst har me ein draum om å få fullfinansiert heile prosjektet slik at ein kan får realisert alt me ønskjer i løpet av 2023. For å få til dette, må me få full klaff både i budsjettet til kommunen og på Suldal IL sine søknadar om midlar. Får me det til, så er dette noko som vil skapa ein fantastisk treffstad for alle i bygda og kommunen!
Nenad Ignjatic har hjulpe oss med å visualisera aktivitetane me ønskjer å samla rundt kunstgrasbanen gjennom nokre flotte teikningar. Dei ser du i videoen og under presentasjonen av prosjektet.
Detaljar om prosjektet kan de lesa dykk til i presentasjonen under.
Ønskjer du, di bedrift eller din organisasjon å bidra? Me blir svært glade for det! Ta kontakt med Jon Bråtveit: fotball@suldal-il.no
Ein liten videosnutt på to minutt, teikningar av Nenead Ignjatic, satelittbilde frå Google Maps. Musikk: iMovies.
Her er presentasjonen av «Prosjekt Prestavikjo». Klikk på presentasjonen for å komma vidare.
Sist laurdag arrangerte Jelsa IL Suldalscupen, og denne gong kunne me reisa frå grasbanen utan gjørme på draktene; veret var på fotballen si side!
Flott arrangement av Jelsa, kompakt både i tid og areal, og full kontroll frå sekretariatet. Suldal IL kan klappa seg på skuldra med å bidra til arrangementet med to av våre supre dommarar: Ella Tjøstheim og Lina Indrebø. Dei er fantastiske ambassadørar for klubben vår!
Gode ambassadørar er også alle spelarane, lagleiarane og foreldre/besteforeldre som troppar opp og støttar spelarar og lag. Det var god stemning, og mykje god prat mens ein såg på kampane.
Fotballsesongen er snart slutt, men eg har fått inn nokre ønskje om bestillingar. Me tek derfor ein ny runde på bestilling av treningsklede for medlemmer i Suldal IL. Bestillinga blir sendt 19. sept.
Det vil alltid vera høve til å bestilla treningsklede frå Umbro via Sand Sport. Om ein kjem på ein annan gong at ein skulle hatt eit plagg, så er det berre til å ta kontakt. Me køyrer likevel ei fellesbestilling nå.
Plagga det gjeld er Umbro sine treningsdrakt i svart med gule detaljer, diverse jakkar, t-skjorte. Det kjem til å stå SULDAL IL bak på alle plagg, samt dei tre hovudsponsorane Sparebanken Vest, Statkraft og Haugaland Kraft framme. Me trykker ikkje «Fotball» bak på noko lenger, på same måte som skikolleksjonen ikkje trykker «Ski». Dette er altså for alle medlemmer!
I vår var det eit par storleikar av t-skjortene som ikkje kom, me håpar det er i orden nå.
Dersom nokon har klede der trykket fell av, så leverer ein det inn til Sand Sport. Då trykker dei det som manglar gratis.
Send bestilling til: fotball@suldal-il.no innan 18. september.
Laurdag 3. september var det tid for Røldalscup 2022 i strålande førhaustver. Det blei ein heil gjeng i gul og svart som tok turen.
I fjor var Suldal IL med på cupen for første gong, og den gav meirsmak. Sjansen til å møta nye og ukjente motstandarar, 3’ar-fotball for dei minste, reine jentelag og eit kompakt arrangement var absolutt på pluss-sida, noko som gjorde at me ville vera med i år også. Med om lag 50 spelarar og 12 lag i gult og svart frå Suldal IL, så vart me klubben med flest lag. Me viste godt igjen. Dessverre var det nokon som vart sjuke i siste liten, men fleksible spelarar, lagleiarar og foreldre gjorde at me fekk nok spelarar til alle lag og alle kampar.
Første treningsøkt for 1. klassingane, her representert med alle spelarane, ei mor og ein trenar.
Dagen før den store dagen, første skuledag for 1. klassingane, hadde 6-åringane sin første fotballtrening i Prestavikjo.
Alle ni som skal starta på Vinjar skule i morgon var på plass med stjerner i blikket og beretning om at dei hadde gleda seg stort til endeleg å få vera med på fotballtrening! Med på lasset var også minst ein vaksen i støtte, både til å vera med på øvingar, knyta sko og trøsta om ein ball blir litt hard.
Kristien Bøe Berge og Helge S. Lauvsnes har teke på seg oppdraget med å leia treningane, noko me er svært glade for. Den oppgåva greidde dei med glans denne første treningsøkta. Ungane får ei trening til neste søndag, før dei alt laurdag 3. september skal vera med og spela i Røldalscup.
Det var lett og sjå at alle hadde god erfaring med å føra ball, mens det nok var ulik erfaring med akkurat det å spela fotballkamp. MEN det er jo dette dei skal trena på, og det var store framskritt og sjå alt på første trening. Lukke til!
