by Per Even Tjøstheim | jan 16, 2023 | Resultatlister, Ski |
Suldølen beit godt i frå seg på Voss i helga, 14. og 15. januar.
Brødrene Bakka med flott innsats på stafetten
På laurdag gjekk Viljarrennet av stabelen, dette var eit klassisk renn i flotte omgjevnadar.
Marte J15 gjekk 5km i eit forrykande tempo, og kom inn på ein flott 2. plass. Mathea gjekk også eit svært godt skirenn og kom inn på ein sterk 3.plass i ein klasse med heile 12 startande.
Søndagen blei Ørnarstafetten arrangert. Her stilte Simon, Daniel og Thomas med lag i G13-G16 pulja, 3km x 3. Første etappe klassisk, dei to siste skøyting. Her sikra brødrene seg ein bronseplass i konkurranse med 9 andre lag.
Artig når Suldal IL viser så godt att også andre stader.
Magnus Lunde Bakka
(meir…)
by Per Even Tjøstheim | mar 23, 2022 | Ski |
Torsdag 24. mars er det klart for årets siste skikarusell som denne gongen går i fristil. Hjelmeland IL er arrangør og vêrmeldinga spår ein mild og fin kveld. Sidan dette er siste karusellrennet er det klart for premiering. Dei som er aspirantantar eller går i trimklassen, får sine premiar ved innlevering av startnummer i målområdet. For dei som går på tid vil det bli premieutdeling for to-tre klassar om gongen, fortløpande utover kvelden.
by Per Even Tjøstheim | mar 8, 2022 | Resultatlister, Ski |
I gnistrande vintraver gjekk 3. karusellrenn av stabelen i lysløypa ved Mosvatnet. Det var klassisk stil og med god glid i snøen blei tidene gode.
Offisiell resultatliste 3. karusell
by Per Even Tjøstheim | mar 1, 2022 | Resultatlister, Ski |
Thomas Bakka
25. -27. februar stod Hovedlandsrennet 2022 for tur for dei lokale løparane Thomas Bakka, Mathea Vik og Ella Tjøstheim. Gjennom tre konkurransar fekk dei måla krefter i skisporet med 800 andre ungdommar frå heile landet.
Hovedlandsrennet er uoffisielt noregsmeisterskap for 15 og 16 åringar kor om lag 200 løparar stiller til start i kvar klasse. Dette året var renna lagde til Holmenkollen og det blei konkurrert i klassisk distanse på fredagen, sprint fristil laurdagen og stafett på søndagen. Med så mange løparar blir det kamp om plasseringane og ein skal vera både dyktig, treffe med form og unngå uhell om ein skal ein oppnå gode plasseringar. Agder Rogaland skikrets hadde felles opplegg med både støtteapparat, smørjeteam og overnatting.
I distanserennet var Mathea og Ella først ute i klasse jenter 15 år. Mathea gjekk inn til ein flott 40. plass, medan Ella sette stor fart frå start og tok ein solid 14. plass, kun 30 sek. opp til pallen. Thomas gjekk sitt beste løp for sesongen og kom inn til 49. plass i ein veldig jamn og stor klasse. (meir…)
by Per Even Tjøstheim | feb 21, 2022 | Ski |
Resultatliste frå renn 2:
resultatliste renn 2
Tysdag er det igjen klart for skikarusell og denne gongen er det Hjelmeland IL som er arrangør. Start frå kl. 17.00 for aspirantar og trim, medan klassane med tidtaking byrjar kl. 18. Det blir kiosk og varmestove!
Stilarten denne gong er fristil.
Om du ikkje fekk meldt deg på første gongen er det framleis mogleg å bli med, deltaking på tre av fire renn gir premie 🙂
Startliste skikarusell 22. februar 2022
