Tysdag blei fleire lag og organisasjonar invitert til Sparebanken Norge sine lokaler på Sand. Der stod Hans Olav og Stig Morten klar med mange gåvesjekkar. Ein av dei gjekk til Suldal idrettslag, og den stod det kr 125.000,- på!
Gåvesjekken var denne gong delt i to. Kr 75.000,- går til å halda fram arbeidet med Prosjekt Prestavikjo, mens kr 50.000,- er øyremerka nye drakter til fotball-laga våre.
Prosjektet i Prestavikjo held fram, det er store kostnadar, så me set verkeleg pris på å ha Sparebanken Norge som støttespelar. Nå har banken støtta prosjektet med temmeleg nær ein million, meir nøyaktig kr 975.000,-! Det hadde vore vanskeleg å komma i mål utan desse midla.
Når Sparebanken Vest gjekk over til å bli Sparebanken Norge, så er det og tid for å byta ut logo på draktene. Banken har draktkampanje der me kan søkja om gratis drakter til aldersbestemte lag, men for å få kjøpt inn drakter til ungdommar og vaksne trong me å søkja etter ekstra midlar. Dette stiller banken opp med. Me får håpa at draktpressa til Geir på Sand ikkje går for varm, og at me har drakter klar til neste sesong.
2013 og 2014-gutane frå Osen og Sand har dei siste vekene trent saman om søndagane, nå var det tid for å prøva seg på cup. Då tok dei turen til Tananger.
Det skal seiast at alle idrettslaga i kommunen har vore invitert på desse treningane, men det har vore spelarar frå nemnde grender som har stilt opp. 2013-modellane har det siste året trent saman med G13-laget, mens 2014 har trent saman med 2015- og 2016. Til neste sesong er planen og starta opp eit nytt G13-lag, då med spelarar frå 2013-2014. Desse fekk gjort unna sine første kampar i dag, søndag.
12 spelarar stilte opp, med Lars Erik Dalva og Johan Hägglund som trenarar. Motstandarane var Havørn, Havdur og Hundvåg. Forventningane var nok der at ein måtte rekna med og møta lag som både var gode og samspelte, men at ein håpte ein fekk gode opplevingar.
Begge forventningane viste seg og stemma. Havørn og Havdur var hakket betre enn Suldalsgutane, mens det mot Hundvåg blei ein jamn kamp der Suldal fekk det einaste målet og vann den kampen 1-0. I dei to andre kampane fekk me sett at våre spelarar nok må læra seg og bruka heile kroppen i taklingane, og vera meir kontante i pasningar, avslutningar og løp. Ein kunne og sjå på fysikken at halvparten av våre spelar var eitt år yngre enn resten.
Likevel viste spelararne i gult at det bur mykje fotball i dei, og at det skal bli spennande og følgja dei i åra framover som ein del av Suldalsgutane- og jentene. Nå får dei ein god vinter med trening, og så stiller dei i G13-klassen neste år.
For andre året arrangerte me cup for dei yngste fotballspelarane i 3’ar-banane i Prestavikjo.
I år delte me turneringa inn i reine 1. og 2. klasselag, slik at dei aller ferskaste fotballspelarane fekk prøva seg mot jamnaldra. 2. klassingane er jo som veteranar og rekna i denne samanheng. Erfjord stilte sterkt i den yngste gruppa, med tre lag. Suldal hadde to lag, mens Sand hadde eitt lag. Ivrige spelarar viste stor glede når ballen traff mål.
i 2. klasse var det færre lag, Erfjord hadde eitt, mens Suldal stilte med to lag i denne klassen også. Det gjekk an og sjå at desse hadde spelt fotball i Suldalsserien i eitt år alt. Kampane blei stødig leia av seks gutar og jenter frå 7. klasse som dømte sine første kampar. Kjekt at mange vil vera dommarar!
Då turneringa var slutt, var det premieutdeling, og til sist ein tur i kiosken.
Suldal Idrettslag vinner Kr 5000,- av Haugaland Kraft Fiber etter å blitt nominert av ein/ei av dykk.
Eg hadde gleden av å motta telefon fra Haugaland Kraft Fiber i dag om at Suldal Idrettslag vinner trekninga for August mnd.
Haugaland Kraft Fiber sender ut bursdagshilsen til sine kunder. I den forbindelse med dette har da kunden også muligheit til å nominera eit lag eller ein organisasjon i Haugaland Kraft Fiber sitt nærområde som sin «Hjartesak». Har du bursdag? Bruk den på din hjertesak – Hkraft.no
I nominasjonen fra vinnar loddet står det:
«Suldal Idrettslag gjer utruleg mykje bra for barn og unge i Suldal. Gode breddetilbud der barn uansett ambisjon og ferdighet får delta og utfolda seg. Alt drifta på dugnad. Nå jobbar de og med spennande nærmiljøanlegg-prosjekt rundt fotballstadion. Eit lite bidrag ville vore veldig kjærkomment.»
Suldal Idrettslag vil med dette takke Haugaland Kraft Fiber og for at dykk der ute tenker på oss og ønsker at me skal vinne dette. Å bli nominert til dette er ein seier i seg sjølv for oss. Tusen takk til den som nominerte oss!!
Da vil me berre sei at akebakken på Gullingen nå er klar for snø.
Me vil takke alle som har bidratt med smått og stort, men spesielt takk til:
Autogro Møgedal: Drivstoff og olje til motorsagene.
Steine Motor AS v/ Tormod Steine: For å låne ut kvistkutter til oss.
Mosvatnet hyttegrend: For hjelp i samband med skoginga.
BG Suldal AS: For eit flott stykke arbeid og godt samarbeid i prosjektet.
Suldal Kommune: Finansiering via søknads ordninga «Tilrettelegging for friluftsliv»
Sparebankstiftelsen Sr-bank: Finansiering
Og sist, men ikkje minst. Medlemma våre som har bidratt med over 105 timer dugnad (MINST)
Tusen takk igjen til alle saman.
Kort om kva som er gjort:
I bakken er det skoga, deler av gjerde er fjerna, det er renska, farlege hinder som steinar er gravd ned og grøfta som låg nederst i bakken er lagt i rør sånn at vatnet fortsatt skal få renna ut.
Det som er rett rundt hjørne og skal komme på plass nå før vinteren kjem er: Polstring av lysstolper og benkar.
Liten video som forteller litt om kva som er gjort.
I år er det Erfjord IL som har arrangert Suldalsserien, og då er det også dei som skal stå for cupen. I helga var me på Moane i Erfjord.
Tre miniknottlag, to knottelag, fire lilleputtlag og to ungdomsskulelag tok turen. Erfjord IL fekk plass til fire kampar på likt på banen sin, slik at det blei eit effektivt arrangement. Tribune og benker under tak, kiosk og toalett rett ved banen og solid arrangementstab gjorde at cupen gjekk godt og radig føre seg. Artig å gå frå bane til bane og sjå korleis spelarane veks drastisk mellom kvar aldersgruppe. Ungdomsspelarane ser gigantiske ut etter å ha sett på ein miniknottkamp!
Flott innsats av dei to minste gruppene der det ikkje blir kåra nokon cup-vinnar. Lilleputtklassen er nok den som det er mest trykk og spenning i. Ni lag fordelt på to grupper. Dei fire suldalslaga greidde seg bra, to gjekk til semifinale, men begge laga tapte. Sand sitt eine lag og Nesflaten sitt lag blei for sterke i semifinalane, og måtte gjera opp om finalesigeren. Den var det Sand som tok. Det var nok det sterkaste laget og vann til slutt fortent. Det blei i alle fall bronse til Suldal.
For oss i Suldal var det kjekt at laga er nokonlunde jamne om alle spelarane er tilgjengeleg, og ein ser korleis det kan svinga. Laget som fekk minst uttelling i serien greidde i dag å komma til semifinale.
I ungdomsskuleklassen hadde me ei stunt 12 spelarar, men melde likevel på to lag. EIn liten innsats rett før cup gjorde at me fekk to fulle 7’ar-lag som konkurrerte mot Sand og Erfjord sine eine lag. Det eine laget vårt kom til finale og tapte knepent mot Erfjord, mens det andre laget tenkte som mange andre store lag, at når finaleplassen glapp, så er motivasjonen for å spela for bronse ikkje like stor. Dermed gjekk 3. plassen til Sand.
Nå er sesongen i Suldalsserien slutt for miniknott, lilleputt (eitt lag har siste kamp på onsdag), ungdomsskule og gubbar. Knottane skal halda på tre veker til med kampar. Treningane held nok på i alle fall fram til haustferien for alle laga.
