KM Rogaland Agder Krets 2024 – Sirdalen

by | jan 24, 2024 | Ski | 0 comments

KM Rogaland Agder Krets 2024 vart arrangert på Tjørhom Skistadion helga 27.-28.januar. Laurdag 27.01 var det Gjesdalburennet i klassisk stil. Søndag 28.01 var det Gjesdalburennet Sprint skøyting, prolog – finale.  Suldal IL var godt representert på KM i Sirdal, og kom heim med gode prestasjonar og medaljer. To doble kretsmeistrar kan me også melde om: Simon Bakka og Thomas Bakka.

Den yngste delatakaren som gjekk for Suldal var Edel Gjuvsland, ho leverte gode løp både laurdag og søndag. Her var det ekte skiglede, og ho hadde eit smil på lur til publikum medan ho konkurrerte.

I Jenter 11 starta Amalie Lunde, som har skikkelig fart både i klassisk og skøyting. Ho levert solide resultat, og kom inn med beste tid, 1. plass begge dagane i sin klasse.

(meir…)

Skihelga 19.-21.januar

by | jan 21, 2024 | Resultatlister, Ski, Ymse | 0 comments

Suldalsrennet 2024

Omtrent samtlege av Suldal IL sine skiløparar har vore i aksjon i helga. Det store arrangementet for klubben har vore Suldalsrennet, som me sjølve var arrangør av. Her var det 127 deltakarar frå heile Rogaland. For 13- og 14-åringane var rennet ein del av kretscupen. Suldal IL hadde 45 løparar til start, og mange gode dugnadsfolk både inne på Gullinghuset, i løypa og på stadion. 

Suldalsposten skriv om Suldalsrennet: 

https://www.suldalsposten.no/sport/skigleda-trumfa-tunge-snofiller-og-klabbefore-pa-suldalsrennet/?fbclid=IwAR2fvYLMxxYgr2i8fA_rsgNW4d6IHAmrSPpRp1SG-ot_M-bTfep9ThKqLGI

 Resultaltliste: https://www.suldal-il.no/?p=21242

 

Saudasprinten

Saudasprinten i Slettedalen har tradisjonelt sett hatt mange løparar med frå Suldal. I dag sette vêr- og føremelding på vegane ein stoppar for den store deltakinga frå Suldal IL. Kun familien Gjuvsland med Edel, Jone og Gaute stilte på renn i Sauda i dag.

Helen Moen Gjuvsland referer frå rennet:

Søndag sala nokre suldøler opp, det enda med kun ein familie, og reiste til Sauda for å gå Saudasprinten. Saudasprinten i Slettedalen er eit kjekt skirenn, som i år vart arrangert i klassisk stil. Det vart ein del fråfall til rennet då reisa langs fjorden var prega av glatte vegar og nedbør i både fast og flytandes form. Vêr og glatte vegar var nok skuld i at fleire valde å vara heime denne søndagen.
I Slettedalen var det 0-føre og snøvêr, som såleis gjorde skismurninga
til ei utfordrande øving.
Edel Gjuvsland stilte til start i J8 klassen og gjekk eit renn ho var strålande nøgd med.
Jone Gjuvsland gjekk eit solid renn i G12 klassen, der dei går 2km, og vann sin klasse.
I G14 klassen, på 3 km, stilte Gaute Gjuvsland til start. Han kjempa på det han kunne, og kom inn til ein god 2.plass.
Ein kjekk og trivelig konkurransedag i snøvêret i Slettedalen.
Me får håpa for arrangørane i Slettedalen at det vert fleire tilreisande deltakarar neste år.

 

Resultatliste på https://live.eqtiming.com/70486#result

 

Norgescup junior – Lygna

Dei eldste juniorane i idrettslaget har i helga målt krefter mot jamngamle frå heile landet i norgescuprenn på Lygna.  Mathea Vik stiller i klasse K17 og Thomas Bakka i klasse M17. Det starta med sprintrenn på fredag. Laurdag venta 10 km fristil på Mathea og 15 km fristil på Thomas. I dag, søndag har Mathea gått 5 km klassisk, og Thomas 7,5 km klassisk. Begge to er elevar ved Hovden Skigymnas og reiser i lag med teamet frå skulen.

Sverre Vik refererer frå helga:

Denne helga var Suldal il representert med 2 utøverar i norgescupen for jr. Thomas og Mathea reiste saman med klassekameratar og venner frå Hovden skigymnas til Lygna skisenter på Hadeland. Heile 800 hardtsatsande skiungdommar frå heile landet mellom 16 og 20 år var på start. Flotte forhold på Lygna. Kald ,trå snø på fredagen og laurdagen. Søndag blei litt sur med snø og vind.

På programmet denne helga var sprint fristil, distanserenn fristil, 10 km kvinner/ 15 km menn og distanserenn 5/ 7.5 km klassisk. Dei 50 beste i kvar klasse tek norgescup poeng. Thomas var ikkje heilt nøgd med fristilrenna sine, han havna rett bak å ta poeng. Men på søndagens klassisk renn klinka han til og gjekk inn til ein svært sterk 22 plass.              Mathea gjekk ein god prolog nr 29 og gjekk vidare til kvartfinalen på sprinten , men rauk ut der og fekk ikkje gå semifinalen . På distanserenna vart plaseringane 31 og 43. Dermed samla begge seg mange poeng, Mathea 46 og Thomas 38. Dette var første norgescuphelg av 4, neste er i Granåsen 16-18 feb. Gratulera til søsjabadn Malena Sirekrok som imponerte stort og gjekk heilt til topps i sin klasse 18 år.

 Resultat frå helgas Norgescup junior: https://www.skiforbundet.no/arrangement/2023-2024/24nclygna/equinor-nc-junior/startlister-og-resultater/?fbclid=IwAR2W5yYNKipFzQ75_os83mnRtJI4csDxMTwKHAAcjTa-MaIhpHR2GKpnwWE

Sandriprennet 2024 og Vindbjartmixen

Førre helg: 13.-14 januar gjekk Sandriprennet 2024 og Vindbjartmixen KM sprint stafett av stabelen på Sandrip. Me har fått dette referatet frå den helga: Brørne Thomas, Daniel og Simon Bakka stilte alle tre til start på Sandriprennet. Rennet gjekk i klassisk stil i flotte forhold, temperaturen låg rundt 2-3 pluss.Temperatur omslaget frå dagen før med minus 10, førte til at blå extra måtte vike til fordel for klisteret. Thomas og Simon sikra seg ein første plass denne dagen, og Daniel ein 6.plass. Alle 3 godt nøgde med eigne prestasjoner denne dagen, skismørjaren fekk også godkjent for skia. Idag var det KM sprintstafett skøyting, Simon og Daniel gjekk isaman i gutar 15-16 årsklasse. Dette gjekk godt for Suldalslaget som kom inn på ein god 6.plass.

Røldalsrennet 30. des 2023

by | des 30, 2023 | Ski | 0 comments

Stemningsbilde frå Røldalsrennet. Foto: Helen Moen Gjuvsland.

I solskinn, gnistrande vintervêr og ein gradestokk som viste vel 10 kalde var det i dag duka for Røldalsrennet. Suldal IL hadde 13 påmeldt for dagen kor klassisk stilart stod på programmet. 

Helen Moen Gjuvsland har sendt denne skildringa.

Dualigt med snø, nykøyrde løyper og enkle smøreforhold gav flotte ramer for renndagen i bygda. 

Dei yngste var først ut i konkurransen med tradisjonell start opp flaggstang-bakken. Godt med heiarop fordelt rundt i løypa gav dei ei fin oppleving. 

For enkelheitas skuld er det pallplassane i dei rangerte klassane som videre er referert her:

Amalie Lunde var først ut i sporet av dei som blei rangerte. Ho vart feildirigert og enda med å først gå 1 km, og deretter måtta starte om att etter målgang på korrekt distanse 2 km. Den ekstra «strafferunden» såg ikkje ut til å setja ein dempar på ho, då ho susa inn til 1. plass i J11. Eline Berge sparka også godt i frå i sporet i same klasse og sikra dermed 2. plass.  

I G12 viste Jone Gjuvsland gode takter og tok 1. plass, medan Svein Aksel Tjøstheim kom inn til 3. plass få sekund bak 2. plassen. 

Aksel Sukka Mehus henta seg ein fin 3. plass i sin klasse G13

I G14 var Simon Bakka på hugget og tok ein sterk 1. plass, medan Agathe Lunde også gjekk godt og tok 2. plass i J14. 

I K17 var det god konkurranse og Mathea Vik stakk av med 1. plassen i sekundstriden i  hennar klasse.

Skitreninga startar

by | aug 27, 2023 | Kva skjer framover?, Ski | 0 comments

Skigruppa startar opp treningane!
Sesongen startar på barmark og vert flytta opp på heio når det kjem snø.
Me har 3 grupper, som kvar nyttar Spond som kommunikasjonsmiddel. Tilgang til desse gruppene får de av trenarane.
I tillegg til treningar i vekedagane, vil me også prøve å få til felles treningssamlingar og klubbturar. Me håpar at mange også har lyst til å bli med på dette.
  • Den eldste gruppa (6.kl og oppover) startar opp tysdag 29.august, kl. 18.30. Oppmøte ved Samfunnshuset. Dei startar med desse treningstidene: tysdagar kl.18.30 og torsdagar kl.18.30. På torsdagane er også dei som ønskjer frå 5.kl. velkomne til å vera med.
Ansvarleg for treningane er : Magnus Bakka, Lars Lunde
  • Mellomgruppa (4.-5.kl.) har trening på tysdagar. Dei startar opp tysdag 29.august. kl.18.30 utanfor Samfunnshuset. Første trening føregår på rulleski.
Ansvarleg for treningane: Olav B.Berge, Tore Vik, Anita B.Vik
  • Den yngste gruppa (1.-3.kl.) startar opp tysdag 12.september utanfor Vinjar skule. Meir informasjon kjem som «ranselpost» og her på FB, når det nærmar seg.
Ansvarleg for treningane er: Jens Marcussen, Dagfinn N.Havrevoll, Kristian Smaamo
Her finn de informasjon om medlemsskap og innmelding i Suldal IL: https://www.suldal-il.no/?page_id=5347
Påmelding til renn og arrangement vil i år vera på: https://isonen.no/
Alle er hjarteleg velkomne til å vera med.
Har de spørsmål: Ta kontakt med ein av dei ansvarlege for treningane, eller med leiar for skigruppa: Magnus Bakka.

Gode suldalsresultat på Blinkfestivalen

Gode suldalsresultat på Blinkfestivalen

by | aug 7, 2023 | Ski | 0 comments

Blinkfestivalen byr på både skiglede, kriblande spenning, gode resultat og kameratsleg konkurranse. Gjengen frå Suldal viste, som alltid, godt igjen i rulleskiløypene.

Blinkfestivalen vart arrangert for 18 gong i år, og er ein populær skifest både for deltakarar, støtteapparat og publikum. I år leverte  13 suldølar gode løp i dei spanande konkurransane, der det var imponerande mange påmelde totalt. I løpet av festival-helga kan ein få prøve seg på motbakkeløp i Lysebotn, klassisk renn for den eldste gruppa i Ålgård eller fellesstart og sprint-løp midt i Sandnes Sentrum.

– Innsats, sportsglede, samhald og det sosiale var upåklageleg heile helga. Det var også veldig stas at me hadde heiagjeng frå Suldal heilt frå Lysebotn til Sandnes, seier leiar i ski-gruppa til Suldal IL, Magnus Lunde Bakka om årets utgåve av Blinkenfestivalen.

(meir…)