Kr 50.000,- frå Tjøstheim Kraft AS til Prosjekt Prestavikjo!

For ein månad sidan fekk me gledeleg melding om at Tjøstheim Kraft AS ønskjer å støtta prosjektet med kr 50.000,-.

Det er ekstra kjekt å få lokale aktørar med på laget, og at dei vil bidra til eit godt lokalsamfunn med aktivitet og møtestad.

Tjøstheim Kraft AS held sjølvsagt til med utgangspunkt i Tjøstheimsgardane.

Wikipedia kan fortelja følgande:

Det er et elvekraftverk som utnytter et fall på 405 meter i Tjøstheimsåna.

Installert effekt er 3,9 MW. Årsproduksjon er 13,7 GWh.

Årsmelding Prosjekt Prestavikjo

Det er årsmøte i Suldal IL onsdag 29. mars kl 19.30. Alle sakspapir vil komma snarast. Her er årsmeldinga frå «Prosjekt Prestavikjo – eit nærmiljøanlegg for alle!»

Merk at årsmeldinga blei skriven 9. februar 2023. Etter dette har me fått kr 50.000,- i støtte frå Tjøstheim Kraft AS. Me er også komne lenger i arbeidet med søknadar, dispensasjonar, varslar og andre vurderingar.

Resultat 3. skikarusell

I tett snøvêr og med stor innsats, brøyta skiløparane seg fram under skikarusellen i kveld. Det var stort sett greitt å smørje, men skispora som stod beine og fine fram til klokka fem, forsvann litt etter litt utover kvelden. Likevel var det ingen sure miner å sjå, og arrangementet, som Hjelmeland IL igjen hadde ei stødig hand på, gjekk godt.

Nå står det att eitt karusellrenn, 23. mars, og då ventar premieutdelinga for årets Telenorkarusell.

Her er resultatlista frå dei som gjekk på tid i kveld:

Marte og Mathea i Meråker på Hovedlandsrenn

Marte og Mathea i Meråker på Hovedlandsrenn

Suldalsjentene Marte Krogh og Mathea Vik har i helga (24.-26.februar) deltatt på Hovedlandsrennet i langrenn i Meråker, Trøndelag. Norges Skiforbund inviterer kvart år landets 15- og 16-åringar til å møtast i skisporet. Helga er fullspekka med ulike skirenn, og fungerer nærast som eit NM for desse årsklassane.

Suldal IL stilte i år med to unge og lovande jenter: Marte Krogh i klasse J15 og Mathea Vik i klasse J16. Dei var to av totalt 20 deltakarar frå Agder og Rogaland Skikrets.

Allereie fredag braka det laus med den relativt nye konkurranseforma i langrennssporten: Langrennscross. Tida då utøvarane forsvann ut i skogen, og kom tilbake til oppløpet og målstreken, er langt frå denne nye disiplinen. Her vert arena og løyper fylt med teknisk krevjande utfordringar for skiløparane, og gjerne stor underhaldningsverdi for publikum med action og musikk på skistadion. Langrennscross var veldig kjekt, melder Mathea og Marte! For Mathea var det også her og i sprint, at ho gjorde det aller best. Mathea gjekk inn til ein 15.plass (av 108), medan Marte fekk ein 70.plass (av 121) i langrennscross. Seinare på fredagen venta sprint prolog, kor det til sist endå med ein 24.plass (av 147) for Mathea og ein 108.plass (av 153) på Marte.

Laurdag var det 5 km klassisk distanserenn på programmet. Mathea hadde håpa at det skulle gå litt betre her, då ho enda som nr.43 på resultatlista (av 135). Marte gjekk inn til 106.plass (av 151), og var ikkje heilt nøgd med eigne resultat denne helga. Det er mykje som skal klaffa i skirenn: Med travelt rennprogram og i tunge løyper, skal dagsform og ski vera gode når ein møter jamaldrane frå heile landet. Deltakinga ilag med resten av skikretsen var veldig kjekk og sosial, og dei budde alle på same hotell, kan suldalsjentene fortelja. Helga gav definitivt motivasjon og inspirasjon til å fortsetta med trening og vidare satsing i langrenn, seier Marte. Ekstra nervepirrande var det å starta med første etappe på stafetten på søndagen, fortel Mathea. Ho gjekk for Agder og Rogaland sitt 1.lag, og laget gjekk inn til ein 14.plass av 65 deltakande jentelag. Marte gjekk tredje etappe på Agder og Rogaland sitt 2.lag, og dei kom i mål til ein 32.plass.

Konklusjonen til jentene frå Suldal er klar: Kjempe kjekt å vera med! Kjekt å vera ilag med folk frå heile skikretsen på tur. Og alt i alt så gjekk det jo bra.

Troppen til Agder og Rogaland Skikrets: Mathea Vik nr. 2 frå venstre i første rekke. Marte Krogh nr. 1 frå høgre i andre rekke. (Foto: Agder og Rogaland Skikrets)
Mathea Vik (J16) ut frå start
Marte Krogh (J15) i godt driv

Velkomen til 2. skikarusell – 21. februar

Sjølv om me har hatt nokre dagar med mildvêr og regn er det klart for 2. skikarusell i vinter.

Dette rennet går i fristil og som før startar aspirantar og trimmarar frå kl. 17. medan dei som går på tid skal starte frå kl. 18. Det er Hjelmeland IL som er arrangør og forutan skirenn blir det kiosk og varmestove slik som det skal vere. Vêrmeldinga er bra og dei lovar opphaldsver og rundt 2 grader.

Her er startlista:

Ella og Kari på treningssamlingar

I vinter har to av Suldalsjentene våre vore ute og prøvd seg på treningssamlingar der dei har fått møtt andre jenter med ambisjonar og fotballferdigheiter. Ella Tjøstheim og Kari Fossan Steine har vore både på Karmøy, i Haugesund og i Bergen og spelt fotball.

Jentene var først på samling på Karmøy i haustferien med Norsk Spillerutvikling NSU. Dette er eit tilbod som er ope for alle, men som er tilrettelagt for ekstra motiverte fotballspelarar med gode røynsler og haldningar. I denne kategorien er absolutt både Ella og Kari, og det var ikkje vanskeleg for Suldal IL å formidla dette tilbodet til dei.

read more…

Besøk sidan februar 2009

Ulike kategoriar

Utstyrsleverandør

Hovudsponsorar

Suldal IL på Facebook

Reiserekning

Her kan du laste ned reiserekning. Oppdatert 2020.

Grasrotandelen

Kor mykje har me fått i Grasrotandelen? klikke her!

For å registrere deg, send SMS. Skriv:
GRASROTANDELEN 983958605 til 2020 (tenesta er gratis), eller ta kontakt med tippekomisjonæren din.