6. div: Sørmarkå – Suldal 0-2 (0-1)
Endeleg kamp for a-laget igjen etter over ein månad pause.
To heimekampar i den beste tida på året for fotball har gått fløyten på grunn av bortelag som ikkje har møtt. Då var det deileg å endeleg få ta på seg drakten og krangla litt med ein motstandard.
Ein kan gjerne seia det var greit at det var bortekamp denne dagen. I Suldal var det opp mot 25 grader og nesten kvelande varmt på kunstgraset i Prestavikjo. På turen utover til Våganes stadion på Sola trega underteikna på at han ikkje hadde pakka jakke… Sola skein nå likevel, og det var såpass at dommaren arrangerte drikkepausar i midten av kvar omgang.
read more…Suldal IL hadde mange løparar i Ølmedal
Det var perfekte forhold for springing 29.mai med litt yr og kjøleg temperatur. Mange suldølar tek gjerne turen til «Ølmedal Rundt» i nabokommunen 2.pinsedag. I år var det 39.gang at 450 deltakarar stilte i aktiv klasse, i turklasse/mosjon eller barneløpet. Som alltid er det topp stemning og upåklageleg servering i Imsland denne dagen!
Fleire suldøler stilte i det 7 km lange løpet rundt vatnet, og det blei både gode tider og flotte plasseringar:
https://www.suldal-il.no/wp-content/uploads/2023/06/Resultater-Alle-klasser-Olmedal-Rundt-2023.pdf
Gåve frå Sparebankstiftelsen SR-BANK til skigruppa!
31.mai mottok me beviset på att Suldal IL har fått tildelt 90.000 kr frå Sparebankstiftelsen til opparbeiding av skileikområde ved lysløypa.
Det skal no etterkvart i nordre enden ved sida av lysløypa lagast til skileikområde, både med ski og akebakke. Det er også tenkt å lage til ein enkel bålplass ifbm. med leikeområdet. Dette skileik området vil passe godt ilag med eksisterende lysløype, slik at det blir eit godt tilbod til alle.
Me takkar Sparebankstiftelsen SR -BANK for pengene som gjer det mulig å realisere desse kjekke prosjekta som Suldal IL driv med!
Kr 500.000,- frå Sparebankstiftelsen SR-Bank til Prestavikjo!
Gleda var stor for eit par veker sidan då telefonen frå Sparebankstiftelsen SR-Bank kom med beskjed om stor støtte til Prosjekt Prestavikjo. I dag kom Vibece Herabakka med synleg prov på gåva!
I tillegg til den halve millionen stiftinga støttar prosjektet med nå, så har dei tidlegare støtta med kr 100.000,- øyremerkt tribune. Dermed er den totale støtta frå SR-Bank komme opp i heile kr 600.000,-!
På nettsida srstiftelsen.no kan ein lesa at Sparebankstiftelsen SR-Bank er største eigar i SR-Bank, og har sidan etableringa i 2012 tildelt 786 million i gåver. I 2023 har dei så langt delt ut 85,3 million til prosjekt for barn og unge innan idrett og oppvekstmiljø for alle. Stiftinga sin visjon er «Sammen skaper vi gode lokalsamfunn», og verdiane er «Engasjere, skape og utvikle. Sammen skaper vi verdier.». Om våren er gåvestrategien at ein skal gi til idrett og oppvekstmiljø for alle, som me nå fekk frå. Om hausten prioriterer stiftinga formålet kultur, friluftsliv og kompetanse for alle.
Denne gåva monar godt med tanke på budsjettet som Suldal IL skal stå for, og det er realistisk å få til svært mykje av det me ønskjer oss. Det gjenstår nokre svar på spelemiddelsøknadar før me veit heilt sikkert kva me har å forhalda oss til når me snart ønskjer å gå i gong med «Prosjekt Prestavikjo – eit nærmiljøanlegg for alle!»
Sparebankstiftelsen SR-Bank kom også med meir støtte til Suldal IL. Skigruppa fekk også støtte til meir skiaktivitet ved lysløypa. Meir om det kjem i eigen sak.
Tusen takk for gåva!
Fotballskule sommaren 2023
Det går fort mot sommarferie, og for nokon kan det kanskje passa med fotballskule?
Tine fotballskole arrangerer kvart år fotballskular rundt om i landet. Er ein på ferie hos slekt i to veker, så kan det kanskje vera godt å få spelt litt fotball nokre dagar. Og er ein heime så kan det vera kjekt å møta fotballspelarar frå andre stadar enn Suldal.
Dersom nokon ønskjer å vera med, så melder ein seg på sjølv. Pris for 3-4 dagar instruksjon, mat og litt utstyr er kr 900,-
Dei næraste fotballskulane for oss i Suldal er nok Sauda, Ølen og Odda, men det er fotballskular over heile landet. Klikk på lenkjene for meir informasjon og påmelding.
Skogstrimbok i Bjødlenuten
Trimgruppa har vore i dagsturhytta og vaska den inni, etablert nye gangvegar i stien, skilta bedre til både Stråpanuten og Bjødlenuten, og det viktigaste av alt: ny skogstrimbok er på plass i dagsturhytta i Bjødlenuten.
På sikt vil trimgruppa henga opp kasse ute, men enn så lenge ligg trimboka inne i hytta.
Skriv namnet ditt, og ver med i trekninga av fine gåvekort.
God tur!
Nedre Suldal sanitetsforening gir kr 20.000,- til Prosjekt Prestavikjo!
Med atterhald om at gåva blir vedteke på årsmøtet neste år, ønskjer Nedre Suldal sanitetsforening å støtta prosjektet i Prestavikjo med flotte 20.000,- kroner!
I sanitetsforeninga sine vedtekter står det at slike gåver må godkjennast i årsmøte, det er ikkje formelt nok at ein vedtek det i eit styremøte, men frå fleire hald blir det stadfesta at det blir ein formalitet. Så me må seia tusen takk for flott bidrag!
Nedre Suldal sanitetsforening har nedslagsfeltet sitt i Vinjar skulekrins, og er ein del av Norske kvinners sanitetsforeining https://sanitetskvinnene.no/nedre-suldal-sanitetsforening . Sanitetsforeninga er den største kvinneorganisasjonen i Noreg med 43.000 medlemmer fordelt på 550 lokallag. «I 125 år har våre frivillige bidratt gjennom aktiviteter og fellesskap, og stått i front for kvinneliv og folkehelse. «
Me kjenner dei alltid att på fastelavensrisa dei sel kvart år, men dei har spesielt tre områder dei fokuserer på:
- Fremma kvinner si helse og livsvilkår
- Bidra til ein trygg og inkluderande oppvekst
- Skapa trygge lokalsamfunn
Her meinar me at me treffer midt i fokusområda på alle tre punkt, og er glade for at sanitetsforeninga også ser det slik!
Tusen takk for støtta!
6. div avd 3: Suldal – Paradis 2-1 (1-1)
Sol og vind i Prestavikjo i dag, og eit heimelag kledd i svart for høvet.
Gjestene frå Paradis satsa på at raude vestar skulle vera godt nok som bortedrakt, for å dekka over dei Newton Heat-inspirerte grøne og gule draktene sine. Suldalsspelarane var lite begeistra for dette, for det gule som viser på ermane blir for likt vår eigen farge. Derfor altså svart og bortedrakter på oss i dag.
Paradis kom frå vaktoppdrag i Kongeparken tidlegare i helga, men dei verka ikkje særleg trøyte. Gjennom heile kampen gav dei Suldal god motstand. Det var dei som hadde presset både dei første og siste minutta av kampen. Det i mellom var heldigvis Suldal det laget som alt i alt var best, og burde nok ha skåra eit mål og to slik at spenniniga ikkje varte heilt til kampslutt.
read more…Saudacup 2023 i strålande ver!
Det er nokre år sidan me sist var i Sauda på cup, men i år tok me turen inn med 10 lag og 54 spelarar.
Dei gule draktane skein om kapp med sola, og det blei nok ganske varmt og vèl godt for fleire utover dagen. Laga var meldt på med få eller ingen innbyttarar, og kampane varte i 28 minutt, så her fekk alle verkeleg mykje speletid. Her var reine gute- og jentelag (stort sett), og nokre av laga var også reine klasselag.
Denne inndelinga er annleis enn me er vant med frå Suldalsserien, så spelarane får spelt saman med spelarar dei gjerne ikkje spelar så ofte med til vanleg. Mest spent var kanskje dei yngste som ikkje har vore med på så mange kampar endå, og 10-åringane, samt to 9-årsjenter, som skulle vera med dei eldre og spela på 7’ar-bane. Dei kom alle godt frå det!
Stort sett møtte laga våre passande motstand, men som alltid er det nokon lag som vinn og nokon som taper. Slik er fotballen, og slik er visst også livet. Ein må gjera sitt beste, og så kan ein øva meir og få ein ny sjanse snart. Om ei og ei halv veke startar Suldalsserien for nokre av laga.
Takk til Sauda IL for arrangementet, og takk til lagleiarar, føresette og andre familiemedlemmer som sette av laurdagen til ein kjekk fotballdag for ungane!
Klikk deg vidare for bilder frå cupen.
read more…6. div avd 3: Suldal – Sunde 2 9-0 (2-0)
Årets første heimekamp, og referat av nysigneringa Sveinung Nessa:
Me er ein seint i april – sola skin, bjørka sprett og endeleg var det duka for første heimekamp. Skitlukta ligg som eit teppe innover dalen og gjødselvognene går i skytteltrafikk forbi Prestavikjo med møk.
Det er berre så vidt Torjus, som også er ute i same ærend på formiddagen, klarar å rive seg laus og stille til kamp. Med han og resten av Suldalsgjengen på plass, er alle klare når klokka tikkar mot tretten, og innstilte på å starte poengsankinga for i år. Litt glissent med tilskodarar, men det får fotballeiaren ta på sin kappe, som har sendt alle fotballinteresserte i bygda på cup i Sauda.
read more…Besøk sidan februar 2009
Utstyrsleverandør
Hovudsponsorar
Sponsorar
