Så var det haustfeire. Suldalsgutane G16 har berre ein kamp igjen av sesongen sin i Rogaland Fotballkrets sine seriar, mens Suldalsjentene J15 har fire kampar att.
G16 har spelt mange av kampane svært jamnt, to av tapa har vore eitt-målstap i nervepirrande kampar, mens dei siste kampane har opna meir opp med to 3-målssigrar til Suldal og eit solid tap. Dei har verkeleg gjort Prestavikjo til eit uinntakeleg fort ved å vinna dei tre siste heimekampane. Tysdag i veka som var blei det ein skikkeleg 6-3 siger mot Vard Haugesund 3. Siste kamp er tysdag etter ferien, då blir det tur til Vard Haugesund 1. Med unntak av Nord 2 og Ferkingstad/Skudenes i toppen er tabellen svært jamn. Pr i dag ligg Suldal på 4. plass, men har fleire kampar enn laga rundt seg.
J15 er berre såvidt halvvegs i sesongen. Dei har spelt seks kampar og ligg på delt 1. plass på tabellen, berre bak Vindafjord/Etne og Åkra på målforskjell. Her kan ein rett og slett vera med og kjempa om tabellsiger! I dei to siste kampane har jentene slått Åkra heime og spelt uavgjort borte mot Vindafjord/Etne, så at dei er minst like gode som desse laga er sikkert!
J15-trenar Torbjørn Indrebø er ofte euforisk etter kamp, og her kjem referatet hans frå 1-1-kampen mot tabell- og geografisk nabo Vindafjord/Etne:
