Referatet frå heimekampen mot den suverene divisjonsvinnaren kjem noko seint, men her er det!
Med stortap mot Madla 3 på bortebane friskt i minnet, så var det ein revansjesugen gjeng som skulle visa at det er tøft å komma til Prestavijko! Dette skulle tabelltoppen få kjenna på, det var ikkje langt frå at Suldal karra til seg poeng. Nå, når serien er slutt, veit me at Madla 3 vann 17 av 18 kampar, den siste spelte dei uavgjort mot tabelltoar Fiskå. På torsdag spelar dei KM-sluttspel mot vinnaren av nordpulja, Ølen.
Til dette referatet kviler me på assistenttrenar Jone Utbjoa sine SMS-notat:
Mål 1: Isak Berekvam Steine skåra på frispark. Skaut i muren, men sette returen via ein madlaspelar og i fin boge over keeper.
Mål 2: Jone Utbjoa får ballen på 20 meter, går av forsvarsspelaren og set den i mål.
Mål 3: Håvard Fatnes slår ein perfekt corner på bakre stolpe. Der står Isak Berekvam Steine heilt åleine og stangar ballen motsett.
Madla 3 skåra vel eitt spelemål og tre dødballmål. Litt dårleg 1. omgang av Suldal. Ligg under 0-2 til pause. Andre omgang er kanonbra. Hentar inn til 2-2, så blir det 2-3. Suldal utliknar til 3-3, men så i det 88. minutt set Madla 3 ein perfekt dødball rett i mål i lengste hjørne. Dermed blei det knapt 3-4-tap.
Kanon jobbing av all, spesielt i andre omgang. Suldal viser god moral som kjem tilbake to gonger. Har me denne innsatsen i dei kommande kampane, så bør det bli poeng!
Fakta:
7 min: 0-1: Madla 3
37 min: 0-2: Madla 3
53 min: 1-2: Isak Berekvam Steine, dødball.
56 min: 2-2: Jone Utbjoa
67 min: 2-3: Madla 3
82 min: 3-3: Isak Berekvam Steine, målgj. Håvar Fatnes
88 min: 3-4: Madla 3
Gule Kort:
Rene Adjemi, Marius Sigstad, Ingve Berge. Tre til Madla 3.
Lag:
Jonas Thorgersen Laukvik – Tom van Ruiven, Torjus Steine, Ingve Berge – Rene Adjemi, Sveinung Nessa, Atle Espevik Mehus, Jone Utbjoa, Håvard Fatnes – Muhamed Ibrahim Dawud, Øystein Nærheim
Innbyttarar:
Isak Berekvam Steine, Marius Sigstad
