Fredag samla karane i Sparebanken Norge ein heil gjeng på kaien på Sand og delte ut iver ein million kroner til lokale lag og organisasjonar. «Prosjekt Prestavikjo – eit nærmiljøanlegg for alle!» fekk 100.000,- av desse. Tusen takk!
Mange har nok fått med seg at Sparebanken Norge er ein fusjon mellom Sparebanken Vest og Sparebanken Sør. Sparebanken Vest har i fleire år vore ein god støttespelar for Suldal IL, både som fast sponsor og som stor bidragsytar til Prosjekt Prestavikjo. Nå held dei fram støtta i ny drakt og nytt namn. Til saman har Sparebanken Vest/Sparebanken Norge nå gitt kr 1.000.000 til prosjektet!
Hans Olav og Stig Morten kunne fortelja at dei framleis kjem til å vera på plass lokalt og heia fram aktivitet i Suldal, samtidig som at banken har planar om å ekspandera og breia seg over større deler av landet enn tidlegare.
Tusen takk for støtta, den kjem godt med!
