Viktig siger i regnver og sorpe i Vikjo. Var dette siste kamp på grasmatta?
Med ein heimekamp for 1’er-laget igjen og tre for 2’er-laget, gjekk tankane om det kan ha vore siste gang me spelar på gras i Prestavikjo. Banen såg slett ikkje god ut før kamp, og med regnet lavande ned store deler av kampen vart den meir brun enn grøn mot slutten. Kanskje får me ein kamp til før kunstgraset kjem i vinter, elles blir nok resten av kampane spelte på Sand.
Før kampen visste me alle at siger var det som gjaldt. Kun fire poeng skil 2. plass og den nestsiste plassen. Midtbygden har nok alt vunne pulja og rykkjer opp, medan Buøy 2 ser fortapt ut i botn og må ned i 6. divisjon neste år. Resten av laga slår kvarandre i hytt og gevær. Med tap kunne me fort vore på nedre halvdel, men nå luktar me på pallen igjen.
I dag var utgangspunktet at me måtte satse på kraftfotball. Det laget som orka å jobbe mest i søla ville vinne. Trudde me. Finspel tenkte me ikkje var mogleg på dette føret. Det vart mange sugande løp, spelarane velta seg i søla for å vinne duellar, og det var tungt å slå langpasningar. Likevel fekk me til fleire fine angrep gjennom kampen, der me kom rundt på kantane og fekk lagt inn.
Det var jamnt i første omgang, og det var Våganes som kunne ha fått første målet då dei løsna skot frå distanse. Heldivis varta rutinerte Erik W. Vold opp med ei klasseredning der han fekk kasta seg i heile si lange lengde og slått ballen utanfor stanga. Dette var ei TV-redning den gamle Liverpool-keeperen Bruce Grobelaar ville ha vore stolt av.
Etter fleire gode forsøk på innlegg frå Knut Foldøy og Halil Husic på kantane våre, klaffa det endeleg då Halil slo hardt inn i feltet vel halvvegs inn på Våganes sin halvdel. Ballen stussa Daniel Kristiansen fint i boge over målvakta deira og opp i leiing 1-0.
Våganes var fortsatt tøffe å få has på etter skåringa. Det var rutinerte karar gjestene stilte med, om dei berre var 11 stykk. Sistemann ankom Prestavikjo i helikopter! Bortelaget var frampå nokre ganger i løpet av kampen og jobba iherdig, men alle våre menn gjorde jobben sin grundig slik at me slapp mål i mot i dag. Erik hadde ein god kamp i mål, forsvarsrekkja med spesielt backen Nils Arne Moe i spissen gjorde jobben sin til punkt og prikke, midtbanen reiv og sleit, og kantar og spissar spelte seg til fleire fine sjansar.
Nokre minutt før pause slo så Halil sin andre målgivande pasning. Denne gang eit hjørnespark som målvakta deira slo i Tor Arne Sigstad. Frå midtstopparen vår tok ballen vegen inn i nettmaskene, og me fekk ei farleg 2-0-leiing til pause.
I andre omgang haldt Halil fram showet. Om det var for endeleg å overbevise Vinjar Låjen om å gi han poeng på børsen, eller om han berre var yr av glede fordi laget hans Borac Banjaluka leiar tabellen i Bosnia er vanskeleg å vite, men strålande spel varta han likevel opp med. Gode initiativ og to kanonskot i tverrliggjaren og kryss frå 25 meter var høgdepunktet i ein god kamp frå vingen vår. Dessverre vart det ikkje mål. Mål kunne han fått då han kom litt for skeivt på mål på eit innlegg frå Øystein Nærheim etter at Daniel såvidt ikkje nådde fram med tåa si.
Me hadde og eit stolpeskot på hjørnespark før Rene Adjemi kunne punktere kampen med ein flott lobb frå 18 meter over keeper. Ballen sneik seg såvidt under tverrliggjaren og inn til 3-0. Ein herleg lagsiger på den tunge matta. Det einaste skåret i gleda var at Knut vart liggjande på grasmatta etter ein duell i Våganes sitt felt med noko vondt i nakken. Slikt er ikkje noko å ta sjansar med, så Knut vart sendt til Haugesund for å sjekke at alt er greitt. Der såg tinga heldigvis bra ut.
Fakta:
Mål:
26 min: 1-0: Daniel Kristiansen
38 min: 2-0: Tor Arne Sigstad
80 min: 3-0: Rene Adjemi
Kort:
Ingen
Vinjar Låjen sine poeng:
3 poeng: Halil Husic
2 poeng: Nils Arne Moe
1 poeng: Erik W. Vold
Lag:
Erik W. Vold – Nils Arne Moe, Tor Arne Sigstad, Rune Andre Laugaland, Øystein Nærheim – Tore Bendiksen Søraas, Rene Adjemi, Knut Foldøy, Daniel Kristiansen, Halil Husic – Bjørn M. Steine
Innbyttarar: Christer Hansen, Dagfinn Nærheim, Tor Olav Berge
Hei og velkommen til dagens 5div ryktespalte!
Etter ein kjempe bra utført kamp, var ein gravande reporter som ein klegg på de tre som osar rutine på Suldal.
Erik W.Vold, Nils Arne Moe og Tor Arne Sigstad såg litt brydde ut då dei fekk spørsmål om når dei tenkte å legge opp.
Dei hadde egentlig aldri vore på tanken og følte kroppane bare blei mørare og mørare med alderen.
Vold la også til at å få drakt nummer1 på mellom treverket i Vikjo var som for eit barn å få godteposen lørdagskvelden.
Dei understrekar også viktigheten med at Husic og Vinjar Låjen har funne tonen att. Nå gleder med oss til kvar trening og kamp poengterar dei.
Den gravande reporteren fekk også ein juicy historie ut frå Vold frå då han var på ferie i fjor. Vold var i den spanske hovedstaden Madrid og tilbragte ettermiddagen på museet på Santiago Bernabeu då han vart snakka stramt til av ein av vaktene. Det viste seg at vakten hadde tatt feil av Vold og den ikkje så ulike Jerzey Dudek som er bur voktar i Real Madrid. Vakten trudde Dudek var for sein til kampen mellom Real og Osasuna og kommanderte Vold rett i garderoben.
Det viste seg at Dudek allerede var i garderoben og vakten blei nok litt flau seier Vold, medan han trekk på smilebåndet.
Om eg hadde stått skulle det ikkje blitt store forskjellen på prestasjonen skrattar Vold som understreker at han fekk autografen fra Dudek som heng høgt på gutterommet.
I overgangs sagaen med Øystein Nerheim har den nå fått ein ny uventa vri.
Direktør i Suldal Svein Øystein Berge har klaga Djerv1919 inn til FIFA for å kontakta ein spelar under kontrakt.
Berge håpar med dette at Suldal og Djerv1919 ingår eit kompromiss som gjer at Suldal og Djerv1919 blir einige om at Nerheim trenar med klubben men spelar på Suldal. Om dette er det beste for utviklinga til Nerheim vites ikke.
Øystein Nerheim skal ha fortalt hans nære venn at dette skal han vera positiv til.
Men har seinare uttalt at han er ekstremt misfornøyd med at han`s næraste lekker til pressen angående hans situasjon.
Han oppfølgde med å vere ekstremt på vakt for personar som prøver å var kompis med han på grunn av han`s suksess.
Daniel Kristiansen`s oppblomstring i Suldal har ikkje gått ubemerka forbi klubbar utanom kommune grensa. Stavanger IF skal vissnok vera interesert i Kristiansen og skal følge nøye med i fortsettelsen. Dei understrekar at dette er først og fremst på grunn av at dei ikkje har funne ein som kan erstatte Michael Haukås i den offensive midtbane rollen.
Direktør Svein Øystein Berge stiller seg undrane til dette og trenar Jon Bråtveit skal ikkje ha høyrt noko.
Det kom akkurat inn ein meldin om at Kjell Inge Bråtveit som er med i Djerv1919 systemet er i harnisk over Svein Øystein Berge sin direktør stil overfor andre klubbar.Dette blei meldt på Radio Haugaland. Ryktespalten kom desverre ikkje i kontakt med Berge og kommer til å følge opp saken.
Thats all for today in Ryktespalten!