Vinnarar 2010!
Torsdag 30. desember var det på nytt duka for nyttårsturnering i fotball i gymsalen på Vinjar.
Tradisjonen tru hadde deltakarane meldt seg på, og laga vart trekte. I år var det 27 fotballspelarar fordelt på 9 lag. Det var to grupper. Ei gruppe med laga 1, 2, 3 og 4, og ei gruppe med laga 5, 6, 7, 8 og 9. Dei to beste frå kvar gruppe gjekk til semifinale. Kvar kamp, utanom finalen, var på 7 minutt. Finalen var på to gonger 5 minutt.
Det var spenning heilt til slutt i begge grupper om kven som gjekk vidare. Frå gruppe 1 gjekk lag 1 (Svein Egil, Ådne og Fredrik) og lag 2 (Dagfinn N., Nils Arne og Tor Olav) vidare. Frå gruppe 2 gjekk lag 7 (Terje, Odd Åsgeir og Øystein) og lag 9 (Ingve L., Sindre og Rune Andre) vidare.
Semifinalane vart slik:
Lag 2 vs. lag 7
Lag 1 vs. lag 9
Begge semifinalane var jamne. Til slutt gjekk lag 7 og lag 9 seirande ut. Det vart altså eit nytt møte mellom lag 1 og lag 2 i bronsefinalen og lag 7 og lag 9 i finalen. Lag 1 vann bronsefinalen.
Finalen gjekk over to omgongar. Til pause var stillinga 0-0. Det var ein jamn kamp, men kanskje med eit lite overtak til lag 7. Ved fulltid var stillinga framleis 0-0. Regelen er då slik at det vert spela sudden death, maks 3 minutt. Vert det heller ikkje då mål, er det straffesparkkonkurranse. Men etter 1 minutt ut i tilleggstida fekk Terje Gjuvsland ballen midt på bana. Han såg sikkert ein opning, for med ein knallhard markkrypar sat ballen i mål! Lag 7 levde opp til favorittstempelet og vann nyttårsturneringa 2010.
Det var fine premiar til alle semifinalelage. Ein stor takk til Suldal Billag, Statkraft, Sr-Bank og Suldal Transport for premiane!
Ein stor takk skal og Neri, Svein Øystein og Dagfinn H ha, som skipa i stand turneringa. Takk og til Dagfinn H for referat. Fotografen og overteikna måtte dessverre gå før sluttspelet.
Her ser de spelarane, så fjåge att! Klikk på bileta, så får de sett nærare på dei.
Godt nyttår!
| Lag 1
Fredrik Deilkås Svein Egil Holmestad Ådne Nærheim |
|
| Lag 2
Nils Arne Moe Dagfinn Nærheim Tor Olav Berge |
 |
| Lag 3
Kjetil Steinbru Tor Inge Bråtveit Christer Hansen, |
 |
| Lag 4
Ørjan Underbakke Vidar Hilde Ingve Berge |
 |
| Lag 5
Lars Kristian Bakka Neri Fisketjøn Torbjørn Indrebø, |
 |
| Lag 6
Sigvart Vårvik Svein Øystein Berge Siri Fisketjøn Indrebø |
 |
| Lag 7
Øystein Nærheim Terje Gjuvsland Odd Åsgeir Lunde |
 |
| Lag 8
Dagfinn Havrevoll Simmen Bratland Erik W. Vold |
 |
| Lag 9
Rune Andre Laugaland Sindre M. Steine Ingve Landsnes. |
 |
