Adelskalender og toppskårarliste a-lag er oppdatert
Statistikken for a-laget er oppdatert etter 2022-sesongen.
Det er litt kjekt og sjå gjennom listene og finna namn listene ein gjerne hadde gløymt ut har spelt fotball for Suldal IL sitt a-lag. Frå 2009 har me også ganske god kontroll på antal kampar og mål. Det er nokre år sidan listene blei oppdatert på heimesida, men dei blei oppdatert til Jubileumsboka til Suldal IL i 2021.
Klikk på dei blå lenkjene for å komma til listene:
- Spelarar og trenarar frå 1977 til i dag.
-
- 23 forskjelege trenarar er lista opp, nokre har tatt fleire rundar.
- 249 spelarar har aksla suldalstrøya, den første som debuterer neste sesong blir nr 250!
- Adelskalender for Suldal 1 og Suldal 2 frå 2009-2022
- Jone Utbjoa har flest kampar for Suldal 1, med 152 stk.
- Ørjan Underbakke har flest kampar for Suldal 2, og flest seniorkampar totalt i åra 2009-2022.
- 117 spelarar har spelt for Suldal 1 desse åra.
- 80 spelarar har spelt for Suldal 2 i same periode.
- Det er nokre år sidan me hadde 2’ar-lag nå.
- Toppskårarlista 2009-2022
- Tore Bendiksen Søraas toppar lista med 74 mål.
- Suldal 1 har skåra 465 mål i perioden.
- 54 spelarar har skåra mål.
- Me har fått 11 sjølvmål i vår favør.
- Sigurd Slåtto er toppskårar for Suldal 2 med 34 mål.
Avslutning a-lag
Tore blei årets spelar for tredje gong. Her bilde frå sist gong i 2009-2010!
Sesongen 2022 er over for a-laget i 6. divisjon.
Det enda med 6. plass, eitt poeng bak laga på 4. og 5. plass. Ei lita oppsummering av sesongen finn ein på slutten av kampreferatet frå siste kamp: Suldal – Hjelmeland.Suldal – Hjelmeland.
Etter kampen var det samling på Båthuset på Sand med fotball på TV, pizza, quiz og utdeling, før Sjøhuset stod for tur for mange. Soleklar quizvinnar blei Ørjan Underbakke, han var best både i 6. divisjonsquiz og Premier League. Ein pose med bamsemums blei premien.
Åtte personar fekk heider og ære. Desse var: read more…
6. div: Suldal – Hjelmeland 6-2 (2-1)
Toppskårar for tredje sesong på rad: Tore Bendiksen Søraas. Fire mål i dag, 13 totalt.
Aldri har det vore så godt med revansje som i dag!
Det var to ting som gjorde lokalderbyet spesielt interessant i dag: Me hadde behov for revansje etter den grusomme 2. omgangen me hadde i bortekampen mot Hjelemeland, og Hjelmeland måtte ha poeng for å unngå sisteplassen og nedrykk. Me vil jo helst ha Hjelmeland i same divisjon som oss, men etter den audmjukinga me opplevde i år, var det ingen nåde. Så pleier det jo ofte bli slik at ein får behalda plassen i divisjonen sjølv om ein rykkar ned. Så forhåpentlegvis møtest me igjen neste år.
Hjelmeland var klar for å kjempa for plassen sin. Det gjekk vel om lag 18 sekund før dei slo ein lang ball i vårt bakrom. Spissen gjorde ingen feil, og 0-1 var eit faktum. Rett etter var dei gjennom nok ein gong, men då fekk me avverga. Så kom me meir med og fekk spelt ballen slik me ønskjer. Spesielt farleg vart Sander Deilkås, tilbake i Suldalsdrakt etter mange år vekke. Ved fleire høve fekk han gjennomspel og kom seg inn i boksen. Ein gong var ein god hjelmelandskeeper raskt nede og avverga, neste gong blei han takla og dommaren bles straffe. Straffen sette kaptein Jone Utbjoa trygt i mål, og me var tilbake til start. read more…
14 fullførte del 1 av Grasrottrenarkurset i fotball
Miniknott Suldal IL 2022 og grasrottrenarane.
Tre måndagar i september har me fått besøk av G14-trenar og spelarutviklar Espen Elvemo frå FK Haugesund til å leia oss gjennom Grasrottrenarkurs del 1.
Grasrottrenarkursa er første steg på trenarutdanninga som kan leia til fullt utdanna trenar på UEFA-nivå. Grasrottrenar rettar seg mot klubbtrenarar på barne- og ungdomsnivå, og er bygd opp av fire kursrekker på tre økter.
Del 1, som me nå har gjennomført, har retta seg mot dei yngste barna, og då var det naturleg at me fekk prøvd oss i praksis på å rettleia og trena miniknottlaga til Suldal IL i desse øktene. Spelarane opplevde at det var nesten like mange trenarar som spelarar på desse øktene, og fekk tett oppfølging. Dei viste stor innsats og gode ferdigheiter. Eit av dei viktigaste prinsippa var aktivitetsprinsippet, at det skal vera minimalt med dødtid. Her var kvart sekund på trening dyrbart og skulle nyttast til aktivitet med ball! Tilløp til dødtid blei lagt godt merke til av kursleiar, og gav alle noko å tenkja på i sin trenarkvardag. read more…
Sonesamling på Gullingen
Idag arrangerte Suldal og Hjelmeland IL sonesamling på Gullingen. Mellom 30 og 40 barn og ungdommar møtte opp. Første økt var barmark for alle. 1.-4.klasse hadde leikar og stafettar på parkeringsplassen ved Gullinghuset. God stemning og super innsats. 5.kl og eldre hadde ei god springe- og intervalløkt i lysløypa. Etter ein god lunsj var alle klar for ei rulleskiøkt. Dei miste hadde ulike leikar på parkeringsplassen. Dei eldste gjekk på rulleski i Breiastølsdalen, god fart og stemning. Flott dag på Gullingen i eit fantastisk haustver. Takk til alle som tok turen 
Invitasjon til alle medlemmer i Suldal IL – Hylen kraftstasjon
| Invitasjon til alle medlemmer i Suldal IL
Statkraft inviterer til besøk i Hylen kraftstasjon onsdag 5/10-22. Program: 17:00 Oppmøte Statkraft, Prestavika. Servering av pizza m/ drikke. Litt Informasjon frå Statkraft. 18:00 Avreise med buss til Hylen. Omvising i Hylen kraftstasjon. 19:30 Forventa tilbake i Prestavika (seinast kl. 20:00).
Påmelding til Hege H. Steine, på messenger eller sms til 922 84 585. Begrensa med plassar. maks 50 pers. Påmeldingsfrist: fredag 30/9-22 Vel møtt! |
|
Referat etter kamp mot Brodd 2, SIF 2 og Fiskå
Dette blir eit referat frå dei tre siste kampane til Suldal. Det enda med to tap og ein seier. Det skal seias at ulike faktorer har ført til desse resultata, meir om det om du les vidare. read more…
Suldalscupen på Jelsa
Ungdomsskulelaget vann Suldalscupen!
Sist laurdag arrangerte Jelsa IL Suldalscupen, og denne gong kunne me reisa frå grasbanen utan gjørme på draktene; veret var på fotballen si side!
Flott arrangement av Jelsa, kompakt både i tid og areal, og full kontroll frå sekretariatet. Suldal IL kan klappa seg på skuldra med å bidra til arrangementet med to av våre supre dommarar: Ella Tjøstheim og Lina Indrebø. Dei er fantastiske ambassadørar for klubben vår!
Gode ambassadørar er også alle spelarane, lagleiarane og foreldre/besteforeldre som troppar opp og støttar spelarar og lag. Det var god stemning, og mykje god prat mens ein såg på kampane.
Bestilling av treningsklede: Søndag 18. sept.
Fotballsesongen er snart slutt, men eg har fått inn nokre ønskje om bestillingar. Me tek derfor ein ny runde på bestilling av treningsklede for medlemmer i Suldal IL. Bestillinga blir sendt 19. sept.
Det vil alltid vera høve til å bestilla treningsklede frå Umbro via Sand Sport. Om ein kjem på ein annan gong at ein skulle hatt eit plagg, så er det berre til å ta kontakt. Me køyrer likevel ei fellesbestilling nå.
Plagga det gjeld er Umbro sine treningsdrakt i svart med gule detaljer, diverse jakkar, t-skjorte. Det kjem til å stå SULDAL IL bak på alle plagg, samt dei tre hovudsponsorane Sparebanken Vest, Statkraft og Haugaland Kraft framme. Me trykker ikkje «Fotball» bak på noko lenger, på same måte som skikolleksjonen ikkje trykker «Ski». Dette er altså for alle medlemmer!
I vår var det eit par storleikar av t-skjortene som ikkje kom, me håpar det er i orden nå.
Dersom nokon har klede der trykket fell av, så leverer ein det inn til Sand Sport. Då trykker dei det som manglar gratis.
Send bestilling til: fotball@suldal-il.no innan 18. september.
Klikk på denne lenkja for å få oversikt: Kolleksjon UMBRO Suldal IL 2022
Røldalscup 2022
Takk for kampen!
Laurdag 3. september var det tid for Røldalscup 2022 i strålande førhaustver. Det blei ein heil gjeng i gul og svart som tok turen.
I fjor var Suldal IL med på cupen for første gong, og den gav meirsmak. Sjansen til å møta nye og ukjente motstandarar, 3’ar-fotball for dei minste, reine jentelag og eit kompakt arrangement var absolutt på pluss-sida, noko som gjorde at me ville vera med i år også. Med om lag 50 spelarar og 12 lag i gult og svart frå Suldal IL, så vart me klubben med flest lag. Me viste godt igjen. Dessverre var det nokon som vart sjuke i siste liten, men fleksible spelarar, lagleiarar og foreldre gjorde at me fekk nok spelarar til alle lag og alle kampar.
(Bildegalleri i slutten av innlegget.) read more…
Besøk sidan februar 2009
Utstyrsleverandør
Hovudsponsorar
Sponsorar
