Velkommen til 4. skikarusell!

Torsdag 24. mars er det klart for årets siste skikarusell som denne gongen går i fristil. Hjelmeland IL er arrangør og vêrmeldinga spår ein mild og fin kveld. Sidan dette er siste karusellrennet er det klart for premiering. Dei som er aspirantantar eller går i trimklassen, får sine premiar ved innlevering av startnummer i målområdet. For dei som går på tid vil det bli premieutdeling for to-tre klassar om gongen, fortløpande utover kvelden.

Bestilling av treningsklede: 3. april

Me tek ein ny runde på bestilling av treningsklede for medlemmer i Suldal IL. Bestillinga blir sendt 3. april.

Det vil alltid vera høve til å bestilla treningsklede frå Umbro via Sand Sport. Om ein kjem på ein annan gong at ein skulle hatt eit plagg, så er det berre til å ta kontakt. Me køyrer likevel ei fellesbestilling nå.

Plagga det gjeld er Umbro sine treningsdrakt i svart med gule detaljer, diverse jakkar, t-skjorte. Det kjem til å stå SULDAL IL bak på alle plagg, samt dei tre hovudsponsorane Sparebanken Vest, Statkraft og Haugaland Kraft framme. Me trykker ikkje «Fotball» bak på noko lenger, på same måte som skikolleksjonen ikkje trykker «Ski». Dette er altså for alle medlemmer!

Ved sist runde var det nokre av trykka som ikkje hang skikkeleg på. Det reknar me med var pga nokre gamle trykk. Dette skal vera i orden nå. Dersom nokon har klede der trykket fell av, så leverer ein det inn til Sand Sport. Då trykker dei det som manglar gratis.

Suldalsgutane- og jentene sine blå treningsdrakter og t-skjorter kan spelarar og trenarar på desse laga bestilla.

Send bestilling til: fotball@suldal-il.no innan 3. april.

Klikk på denne lenkja for å få oversikt: Kolleksjon UMBRO Suldal IL 2022

Treningskamp a-lag: Suldal – Sauda 4-1 (2-1)

Poengkonge i dag, to målgjevande og eitt mål: Ørjan.

Etter ein noko rufsete førstekamp mot Sauda der det blei 3-6-tap, var det godt å få balanse i resultata med returkampen i Prestavikjo onsdag 16. mars.

Banen var snøfri for første gong i vår, akkurat i rute til kamp. Med litt mekanisk hjelp så ordna mildvêret med gode speletilhøve. Den delen av laget som trenar i Suldal pleier å vera omlag 15 på trening. Denne gong var det eit par fråfall på skader, deriblant på keeper. Trenaren var ei stund redd for at han sjølv måtte finna keeperhanskane, men heldigvis var det to som stilte opp i kvar sin omgang med ein Snickers som godtgjersle. Ingve Berge og Torjus Steine stod begge som levande vegger. At Ingve kan stå i mål, veit me. Han har jo vore førstekeeper i sin ungdom. At Torjus også var solid, var gledeleg.

read more…

Suldøler viser att i skisporet – på nasjonalt nivå!

Thomas Bakka

25. -27. februar stod Hovedlandsrennet 2022 for tur for dei lokale løparane Thomas Bakka, Mathea Vik og Ella Tjøstheim. Gjennom tre konkurransar fekk dei måla krefter i skisporet med 800 andre ungdommar frå heile landet.

Hovedlandsrennet er uoffisielt noregsmeisterskap for 15 og 16 åringar kor om lag 200 løparar stiller til start i kvar klasse. Dette året var renna lagde til Holmenkollen og det blei konkurrert i klassisk distanse på fredagen, sprint fristil laurdagen og stafett på søndagen. Med så mange løparar blir det kamp om plasseringane og ein skal vera både dyktig, treffe med form og unngå uhell om ein skal ein oppnå gode plasseringar. Agder Rogaland skikrets hadde felles opplegg med både støtteapparat, smørjeteam og overnatting.

I distanserennet var Mathea og Ella først ute i klasse jenter 15 år. Mathea gjekk inn til ein flott 40. plass, medan Ella sette stor fart frå start og tok ein solid 14. plass, kun 30 sek. opp til pallen. Thomas gjekk sitt beste løp for sesongen og kom inn til 49. plass i ein veldig jamn og stor klasse. read more…

Treningskamp a-lag: Sauda – Suldal 6-3 (3-2)

Måndagskamp på smeltevatnoppvarma kunstgras, flomlys og test av nytt høgtalaranlegg og pyro ved innmarsj. Sauda er på veg opp igjen.

Mens Suldal har vore i dei to same divisjonane stort sett i sørfyltek  i fleire tiår, lever Sauda eit anna tilvere i nordfylket. Dei har alltid vore ein divisjon og to over oss, bortsett frå dei gongene dei har måtte trekka seg og starta opp igjen i 7. divisjon. Sist dei starta opp for omlag ti(?) år sidan, haldt dei på å setta rekord i opprykk år etter år ved å gå frå 7. og nesten opp i 3. (?). Det kan sjå ut som at det er noko, nytt stort i emning i ferrolegeringskommunen. Med kaptein Alte Mehus med suldalsgener i front av ein hær ungdommar under 20 år skal dei spela KM-finale for 7. divisjon om to-tre veker. Får dei halda på denne spelargruppa dei neste åra, trur eg dei har mykje godt i sikte. Men det er vel slik i Sauda og, at ungdommar skal ut og studera, sjå verda og skaffa seg arbeidserfaring? read more…

Besøk sidan februar 2009

Ulike kategoriar

Utstyrsleverandør

Hovudsponsorar

Suldal IL på Facebook

Reiserekning

Her kan du laste ned reiserekning. Oppdatert 2020.

Grasrotandelen

Kor mykje har me fått i Grasrotandelen? klikke her!

For å registrere deg, send SMS. Skriv:
GRASROTANDELEN 983958605 til 2020 (tenesta er gratis), eller ta kontakt med tippekomisjonæren din.